Thla kalta March chawhnu lama Mizoram Education Reforms Committee \hukhawm thuchhuak bawhzuina niawm tak, ‘education campaign’ chu nimin khan Tualpuiah neih a ni a. Tualpui hi tuna chief minister ni mek Pu Lalduhoma khua a ni a, thingtlang khuaah pawh khaw lian lo tak, 2011 chhiarpuiah mihring 589, chhungkua 113 awmna a ni. Covid hrileng avangin chhiarpui neih a ni lo na a, kum 10 hnuah pawh pian belh leh pem lut hi an tam lua lo maithei e. Literacy rate chu 93.2% (2011) a ni. Hei hi Mizoram pumpui literacy rate 91.58% (2024) aiin a sang a ni.
Engtin nge education campaign chu an neih tak? Hei hi Tualpui khuaa an campaign dan chu a ni: “Mizoram Chief Minister Pu Lalduhoma, Direct IPS pawh hi Tualpui khua a ni. Amah ang hian a sang ber in thleng thei. Zirna lama hmasawnna turin department, nu leh pa, zirtirtu, khawtlang leh zirlaite an pawimawh” tiin.
Tualpui khua pawh hi, Judai ram khua zinga te ber tawp lo Bethlehem ang deuh kha a ni a, a chhung a\angin awptu a lo chhuak tlat! Zirlaite tan chuan a phurawm duh hle ang a, entawn tur an nei \ha em a, thlasik khawvawt hnuaiah pawh chawhtawlha tui rapin, khur bauh bauh chunga lehkha zir duhna thinlung putna tham a ni awm e.
Chutichuan zirlaite chuan theihtawp chu an chhuah ang a, enge pawimawh dang chu? Tun \uma an campaign auhlaah chuan – “Zirna lama hmasawnna turin department, nu leh pa, zirtirtu, khawtlang leh zirlaite an pawimawh” tih a ni. A kim hle.
A hmasa ber ‘department’ tih hi sawrkar tihna a ni deuh ber ang a. Sawrkar hian zirlaite innghahna bulpui ber zirtirtu ‘indaih lo’ tih reng \hin hi ‘indaih’ emaw ‘sem rual’ emaw hmanga a her rem/dik a \ul phawt. Taima taka lehkha zir duh zirlaiten kawhhmuhtu zirtirtu an neih mumal miau loh chuan, tu te emaw mi ropui deuh nihna tawktarh viau \hin mah ila, a sawt mawh khawp ang le.
Rilru chawk phur zawng leh, kawng \ha leh kawng dik inkawhhmuh a, infuih phur te hi a \ha e, kan tihtur pawh a ni ngei mai; chutih rual erawh chuan, chumi a hlawhtlinna tura chhut zui ngai kan ngaihthah leh a nih si chuan education campaign-in fehchhuak zur zut \hin mah ila, sum leh pai, tha leh zung kan seng \euh ang a, mahse a nihna tur angin kan hlawkpui leh chuang dawn lo tihna a ni mai awm asin.
Education Campaign
Get real time updates directly on you device, subscribe now.