Pathianni zan khian Arsenal in an mualah fiahna hautak an hmachhawn dawn a, Emirates Stadium-ah EPL hmahruaitu Liverpool an mikhual dawn. An mualah an chak a nih chuan Gunners in champion beiseina sang zawk an nei ang a. An mualah an tlawm a nih erawh chuan next season bawk an thlir leh a ngai hial tawh mai thei.
Emirates Stadium-a lenglut tur Liverpool hi season kal mekah an khel tha viau a, trophy pali la kawp thei dinhmunah an ding mek. An manager chhuak tur Jurgen Klopp thlah nan Treple champion nih ngei an tum dawn a. Treple champion nih an tumna kawng dal thei zinga mi chu Arsenal hi an ni ang.
Arsenal hian EPL an khelh hnuhnung ber thawhleh zan khan mi-khual an nihna hmunah 2-1 in Nottingham Forrest an hneh. Nottingham an hneh vangin City an lehpel a, Liverpool nen an inkar an tizim hman a. Nilai zanah Liverpool hian 4-1 ngawta Chelsea an sawp zui leh vangin Arsenal nen an inkar hi point ngain an tizau leh ta tho thung. Point riat-a an inkar tizau tur hian Pathianni zan hian chak an tum hle ngei ang.
Pathianni zan dar 10:00 hian football ngainatute chuan Emirates Stadium-a Arsenal leh Liverpool te inkhel an thlir rawn thup dawn. Champion chaka tuihal Arsenal tan an muala chak a pawimawh leh zual hle ngei ang.
Emirates Stadium a leng-ah Liverpool
Get real time updates directly on you device, subscribe now.
Prev Post
Next Post