EMS hnuaiah online-in coach dilna a thlen theih
EMS hnuaiah online-in coach dilna a thlen theih
Sawrkarin infiamna lama hmasawnna tura a ruahman, Empowering Mizoram Sports hnuaia training/ coaching dil duhten mobile phone hmanga awlsam zawka dilna an thehluh theihna tur EMS website – ems.mizoram.gov.in chu Ningani khan Sports & Youth Services minister Lalnghinglova Hmar chuan a tlangzarh.
EMS chu Mizo thalaiten infiamna lama hma kan sawn theihna tur leh kum 2036-a India-in Olympic Games a thlen tura Mizo thalai tam zawk an lan theihna tura sawrkar hmalakna a ni tih minister hian a sawi a. State pum tuam chhuak sports coaching leh talent haichhuahna liantham kalpui tum a ni tih a sawi.
Hmun kilkhawr zawka naupang kum 8-15 inkar talent nei tha, training mumal dawng si lote zawn chhuah a, an bana kaih a, Mizoram leh India aiawh theia chher chhuah tum an ni tih a sawi bawk.
Kum 8-15 inkar target an nih chhan hi, kum 2036-a taksa leh rilru that vanglai thleng tur ‘age group’ an nih vang a ni a. Olympic qualification hnaihna nia ngaih Mizote thiam zawng, khawvel huapa India a thatna ni bawk sports discipline – archery, judo, badminton, taekwondo, boxing, weightlifting, hockey leh wrestling thlurbing a ni.8 EMS kalpuina tur hi Mizoram Bana Kaih Scheme hnuaia ‘Participative Planning and Innovations for Sustainable Development’ component atangin cheng nuai 250 sanction a ni tawh.
8 EMS hnuaiah hian Mizoram hmun hrang hrangah naupang kum 8-15 inkar chu basic coaching pek an ni dawn a. Coaching hi ni 15 chhung atan niin, nitin darkar 3, a vaiin darkar 45 pek an ni ang.
8 EMS hi public private partnership mode-a kalpui tur a ni a. Sawrkarin coach leh an hlawh bakah infiamna hmanrua a tum ang.
8 Coach duh khua/veng ten EMS website kaltlangin online-in dilna an thehlut anga, a remchan dan ang zelin, tumah duhsak bik awm loin coach tirh thin a ni ang.
8 Coach diltu khawtlangin coach-te veivahna (maxi cab fare), thlenna leh coaching an pek chhunga an ei leh in an tum ang, hei hi khawtlangin neitu rilru an put a, theihtawp an lo chhuah ve theihnana ruahman a ni.