END leh Central KTP-in ruihtheihthil doho dawn

Excise & Narcotics minister Lalnghinglova Hmar, department hotute leh Central KTP hruaitute chu Thawh\anni khan \hukhawmin ruihtheihthil do tlan dan tur an sawi ho.
Kumin February 29 a\anga March 3 thlenga Ngopaa KTP General Conference neih turah zu leh ruihhlo dona kawnga hmalak tlan dan tur sawi a ni a. KTP chu member tam ber an nih angin inkhawmpuiah hian thalai tam tak an fuankhawm dawn a. Thalaite zu leh ruihhlo laka fihlim tura infuihna hun atan hman theih nise tih a ni.
He conference-a member kalten zu leh ruihhlo-in min run dan an hriat theih nan a theih ang anga programme hmannaa thusawinaah zeh tel dan turah ngaihtuahna seng turin Excise & Narcotics hotute hian KTP hruaitute hi an ngen a ni.
Ruihhlo avanga kan \halai, a bikin mipa kan thih nasatzia leh zu leh ruihhlo avanga kan tawrh dan statistics sawi uar a, tun aia a do kawngah \an kan lak a ngai tih KTP member-te hrilh uar zel turin an ngen bawk.
|hutkhawmah hian zu leh ruihhlo dang avanga mitthi kan neih dan leh Excise & Narcotics department hmalaknaa ruihhlo an man dan statistics KTP hruaitute hnenah hian an hlan a ni.