England squad atangin Saka inhnukdawk

Arsenal winger Bukayo Saka chu hliam avangin Brazil leh Belgium nena friendly match khel tur England squad atangin a inpuchhuak.
England hian zanah Brazil chu Wembley-ah an mikhual ang a, March ni 26 khian he national stadium-ah bawk Belgium an infiampui zui leh ang.
Ram tana game 32 khela goal 11 thun tling ve tawh Saka hi tunkar tir lam khan hliam nei chungin St George’s Park-ah a in report zet a, mahse, training pawh a zawm thei ta lo a, England boss Gareth Southgate chuan kum 22 mi an chhawr thei lo tur pawi a tih thu a sawi.
International duty tura Football Association kohna a hhan zet hnua inpuchhuak leh ta Saka hi Arsenal-ah kirin, FA thuchhuah chuan tah chuan damchiang turin a inenkawl chhunzawm dawn niin an sawi a, March ni 31-a title race-a an elpui lian Manchester City an hmachhawn hunah a inpeihchhuak hman dawn em hriat a ni rih lo.
Saka hi tun season-ah club tan a chetha a, game 10 khelh tur la awmah Arsenal chu Premier League hmahruaitu nihpuiin, two-legged Champions League quarter-final lamah Bayern Munich sut tur hmabak an la nei bawk.
Gunners tan tun season kal laiah Saka hian goal 16 khung tawhin, chu’ng zinga goal 13 chu Premier League goal a ni nghe nghe.
Kum 2020 khan kum 20 mi lek niin ram tan a khel tan a, kha mi atang khan Southgate-a squad-ah member pawimawh a la ni chho ta zel a ni.
September 2023 khan Saka hi a zawna a season hnihna atan England men’s player of the year atan thlan a ni.
England tan pawh June 2023 Euro 2024 qualifier-a North Macedonia laka 7-0 hnehna an chan tum khan hat-trick a lo siam ve tawh a ni.