Ex-Service-te’n lawmpui

Thawhtanni zan khan Mizoram Ex-services League (MESL) Headquarters hruaitute’n MESL hruaitu MLA atana thlan tlinte lawmpuina hun an hmang.
MESL president Lt Col Clement Lalhmingthanga chu Champhai South Constituency atangin MLA atan thlan tlin a ni a, MESL executive committee member TBC Lalvenchhunga chu Aizawl West-I bialah thlan tlin a ni bawk.
MESL senior vice president, MLA pawh lo ni tawh Lt Col ZS Zuala’n he hun hi a kaihruai a, Sipai pensioner te’n Mizoram tan an thawhhlawk thin tih a sawi a, legislator pawh tam tak an lo awm tawh thin tih a sawi. Ex-servicemen tuna MLA atana thlan tlinte chu ram tan theihtawp chhuah tura fuihin duhsakna a hlan.