Fenerbahce tan UCL beiseina a tawp fel

Champions League khel pha tur zawnna inkhel vawihnih zawh hnuah French club Lille hneh loin Jose Mourinho team Fenerbahce an tlawm a, Europa League lam an hawi zui a ngai dawn ta a ni.
Lille hian third qualifying round first leg-ah 2-1 hnehna chang tawhin, Thawhlehni khan Istanbul khuaah team pahnih hi extra time khelh zawhah 1-1-in an inhnehtawk a, khelh hnih belhkhawmah Ligue 1 club hi 3-2-a chakin season thar Champions League an khel dawn ta zawk a ni.
Portuguese coach hmingthang hi kumin June thlaa Turkish league title an beisei lai khan Fener chuan manager leh technical director ni turin an senglut a; Inrinni khan Turkish Super Lig opener-ah sikhat faiin Adana Demispor hneh mah se Europe-a club inelna lian ber kalphung herdanglama 36-team league stage ni ta khelh phak ve tuma an beiseina erawh an puitlin zo ta lo a ni.
Mourinho hian Porto (2004) leh Inter Milan (2010) chu Champions League title lakpui tawh mah se a zuih zawngin a kal chho zel a, Turkish league-ah season thar pawh a khawsa chhunzawm leh phawt dawn a ni.