Football titi
c Nottingham Forest leh West Ham te chuan Paris-St Germain forward Hugo Ekitike an ngaihven. (RMC Sport – in French)
c Galatasaray chuan Manchester United leh Brazil midfielder Fred lak tumin an ngaihven chhunzawm zel. (Mail)
c Everton chuan Tottenham leh West Ham te hmakhalhin Manchester United leh England defender Harry Maguire lak tuma intlan-siaknaah hma an hruai. (Football Insider)
c Wolves manager Julen Lopetegui chu bazara an chet dan phungah a lawm tawk lo viau a, a dinhmun a ngaihtuah tha dawn. (Mirror)
c Crystal Palace winger Michael Olise lak chhuah theihna zat chungchangah thil chiang lo a awm vangin Chelsea leh Manchester City ten kum 21 mi hi an lak theih a rinawm leh zual phah. (Mirror)
c Paris St-Germain chuan Benfica leh Portugal forward Goncalo Ramos an la lut fel thei tep tawh. (L’Equipe – in French)
c Clement Lenglet chu Barcelona in Saudi side Al-Nassr lamah hralh an duh a. Kum 28 mi France defender hian season liam taah loan-a a zawm Tottenham lamah kir leh a duh ve thung. (Sport – in Spanish)
c Chelsea chuan Belgium forward Romelu Lukaku chu Juventus leh Serbia striker Dusan Vlahovic thleng nan hman theih an inbeisei a. Vlahovic manah Lukaku an pek tel bakah sum fai an pek tel a ngaih hmel bawk. (Fabrizio Romano, via Star)
c Arsenal chuan Brentford hnenah Spain goalkeeper David Raya lei dilna an thehlut a. Raya manah hian £20m pek phawt a, £3m pek belh leh theih turin an dawr phawt. (Fabrizio Romano, via Twitter)
c Manchester United chuan Thoman Tuchel-a ruahmannaa tel lova ngaih Bayern Munich leh Germany midfielder Leon Goretzka an thlithlai. (Sky Germany, via Mail Online)
c Aston Villa chuan Leeds United midfielder Tyler Adams chu a lakchhuah theihna zat £25m in lak an huam a. Kum 24 mi United States international hi a hma lam hun tur chungchangah a chhanna an nghak a. Adams hi Chelsea pawhin an ngaihven ve bawk. (Mail)
c Tottenham chuan Rosario Central in £12m an chhiar Argentine forward Alejo Veliz lak tumin an dawr. Hetihlai hian France goalkeeper Hugo Lloris, Denmark midfielder Pierre-Emile Hojbjerg, Frenchman Tanguy Ndombele leh Spain winger Bryan Gil te chhuahtir an tum thung. (Evening Standard)
c France forward Ousmane Dembele chuan Barcelona atanga Paris St-Germain zawm fel turin zirtawpni khan medical test a hma-chhawn. (RMC Sport – in French)
c Wolfsburg chuan Tottenham in lak an tum Dutch defender Micky Van de Ven manah £43m an chhiar. (Mail)
c West Ham leh Nottingham Forest te chuan PSG forward Hugo Ekitike lak tumin an ngaihven. (RMC Sport, via Mail Online)
c Burnley chuan Ajax atanga Denmark forward Mohamed Daramy lak tumin an dawr tan. (Fabrizio Romano)
c Bournemouth chuan 12m euros bakah pek belh theih turin Italian midfielder Gaetano Castrovilli lak tumin an dawr. (Sky Sports Italia)
c Nottingham Forest chuan Roma leh Brazil centre-back Roger Ibanez manah £21.5m an tawktarh. (Fabrizio Romano)
c Ivory Coast midfielder Franck Kessie chuan Barcelona atangin Saudi Arabian side Al-Ahli a zawm fel thei tep a. Al-Ahli hian Kessie manah £12.9m an seng ang. (Athletic – subscription required)
c West Ham chuan Manchester City winger Carlos Borgesare lak tuma intlansiaknaah Borussia Dortmund leh Eintracht Frankfurt hma khalhin hnehna an chang tep tawh a. Kum 19 mi manah hian £14m an tawktarh. (Guardian)
c Manchester United chuan Jonny Evans chu a ngheta lak luh zui a duh. Northern Ireland defender Evans hian Leicester City a chhuahsan hnuin United hi hun reilote atan a zawm a, hun rei zawk zawm thei dinhmunah a ding mek. (ESPN)
c Nipui bazar inhawng mekah France forward Kylian Mbappe an hralh a nih chuan Manchester City leh Portugal winger Bernardo Silva chu rang takin lak an tum zui nghal dawn. (Mundo Deportivo – in Spanish)
c Manchester United chuan Atalanta hnenah Denmark forward Rasmus Hojlund lei dilna thehluh thuai an tum. Hojlund hi PSG pawhin lak an duh ve bawk. (Fabrizio Romano)
c David de Gea chuan Inter Milan in kum khatah 5m euros (£4.3m) hlawh tura an sawmna a hnar. De Gea hian United tan a khelh lai khan tax cut vek hnuah kum khatah 10m euros (£8.7m) lai a hlawh thin a. Inter Milan sawmna hi atan a te mah mah. (Daily Record)