Football titi

c West Ham chuan Manchester United centre-back Harry Maguire lak tumin a lo thlawna hun an seng tam lutuk chu fuh an ti lova. Maguire lak an tumna atangin inhnuhdawh an tum. (Telegraph – subscription required)

c Maguire lak an tumna an bansan a nih chuan Hammers boss David Moyes chuan Bayer Leverkusen defender pahnih Germany defender Jonathan Tah leh Ivory Coast centre-back Odilon Kossounou te lak a tum dawn. (Guardian)

c Manchester City nen Brazilian Lucas Paqueta manah inremna an nei thei a nih a, an hralh fel thei a nih chuan West Hamchuan Ajax leh Ghana international Mohammed Kudus chu Paqueta hmunruak luahtu atan an duh. (Talksport)

c Monaco chuan sum tam zawk sen huam chungin Arsenal chu USA striker Folarin Balogun chungchangah an dawr nawn leh thuai tura ngaih a ni. Gunners hian kum 22 mi Balogun manah £50m an chhiar. (Mail)

c Southampton leh Liverpool ten £60m in inremna nei thei tawh mah se midfielder Romeo Lavia chuan Liverpool aiin Chelsea zawm a duh zawk. (Sky Sports)

c Chelsea hian Crystal Palace winger Michael Olise lak an duh bawk. (Foot-ball.London)

c Luton Town nen an indawrna a tlawlh hnuin Crystal Palace leh Everton te chuan Southampton leh England goalkeeper Alex McCarthy an ngaihven. (Standard)

c Everton chuan Chelsea ah trail hma-chhawn a, contract ziak tura hlawhtling zo ta lo English striker Malik Mothersille chu lak tumin an ngaihven. (Athletic – subscription required)

c Brighton chuan £15m a kum 19 mi midfielder Carlos Baleba lak tumin Lille an dawr. Baleba hi Chelsea pana chhuak ta Moises Caicedo hmunruak luahtu atan an duh. Kum 19 mi hi mimal inremna an neihpui thei tawh nghe nghe. (Fabrizio Romano)

c Liverpool, Newcastle United, AC Milan leh Juventus chu Baleba lei tum zingah an tel. (Mail)

c Arsenal defender Gabriel chu Saudi Pro League pan thei dinhmuna ding tharlam a ni ve leh ta. EPL season thar tan zanah Grabriel hi bul tantir a nih loh vangin hlawh tam tak hlawh theihna tur Saudi Pro-League a hmutai zui nghal. (Mirror)

c Tottenham chuan Bayern Munich pana chhuak Harry Kane hmunruak luahtu atan Gent leh Nigerian forward Gift Orban chu an mi duh a ni tih an nem nghet. (Football Insider)

c Newcastle leh Arsenal te chu kum 26 mi Scotland full-back Kieran Tierney chung-changah an indawr thar leh. Arsenal in Tierney manah £30m an chhiar chu an indawrnaa an mutan lian ber a ni. (Newcastle Chronicle)

c Aston Villa chuan Italian midfielder Nicolo Zaniolo chu Galatasaray atangin an hawh fel thei tep tawh a. An hawh fel hunah a ngheta lak zui theihna tur contract an ziak tel bawk ang. (Sport Italia – in Italian)

c Newcastle boss Eddie Howe chuan Chelsea defender Marc Cucurella lak a a duh bawk. (Telegraph – subscription required)

c Neymar-a’n Saudi Pro League club Al-Hilal a zawm hma khan Manchester United, Bayern Munich, Real Madrid, Chelsea leh Manchester City ten lak theihna hun tha an nei vek a, an la duh lo vek. Neymar hi thiam hle mah se hliamin a tibuai nasa em em a, a kum a upa ve tawh bawk nen lak an chak lo vek hlawm. (Independent)

c PSG squad-ah striker Kylian Mbappe tel thar leh a nih chuan Mbappe-a’n contract thar a ziah leh ziah lohah a innghat lo. (L’Equipe – in French)

c Everton chu PSG nen loan a French forward Hugo Ekitike hawh chungchanga indawr turin an inpeih a, AC Milan leh Eintracht Frankfurt ten Ekitike hi an inchuh ngei hmel thung. (RMC Sport – in French)