Football titi

C Xabi Alonso chuan nipui bazar inhawn hunah Bayer Leverkusen a chhuahsan dawn a nih chuan Liverpool aiin Bayern Munich zawm zawk a tum. (Sky Sports News)

C Crystal Palace, Brentford leh Wolves ten an ngaihven English striker Eddie Nketiah chuan nipui bazar inhawn hunah Arsenal a chhuahsan ngei hmel. (Football Insider)

C Brazil forward Endrick lak tuma intlansiaknaah Chelsea in hmahruai mah se man leh mual chungchangah Palmeiras nen harsatna thar an nei. Hetih a ni vang hian Brazil forward Endrick hi Real Madrid zawkin an la daih mai thei. (Telegraph – subscription)

C Manchester United chu £43m senga lak theih tur Juventus leh Brazil defender Gleison Bremer la turin a inpeih. (Mirror)

C Aston Villa chuan sum leh pai khuahkhirhna an bawhchhiat loh nan English midfielder Jacob Ramsey an hralh ngei a ngaih hmel. (Football Insider)

C Manchester United minority owner Sir Jim Ratcliffe chuan an manager chanvo thlak danglam a duh a. Manager anga awm tam lovin head coach atanga training-aah insawrbing zawk turin a duh. (Telegraph – subscription)

C Newcastle United chuan Arsenal in an ngaihven reng Sweden striker Alexander Isak hralh ngei an tum. (Football Insider)

C West Ham leh Lazio ten an ngaihven thar leh vangin kum 23 mi English winger Jack Clarke chuan Sunderland-ah contract thar ziah a tum tawh lo. (i)

C Arsenal head of recruitment hlui Sven Mislintat chu Borussia Dortmund ah sports director hnathawk turin a kir leh dawn. (Sky Sports Germany)

C Manchester City chuan Everton centre-back Jarrad Branthwaite an vil reng a. Manchester United, Tottenham leh Real Madrid te pawhin kum 21 mi hi an ngaihven ve bawk. (Mail)

C Manchester United chu Scotland midfielder Scott McTominay hralh tur angin sawi tlang than an ni a. Mah se, United hian kum 27 mi McTominay hi kawl chhunzawmin, contract mawm zawk pek an tum thung. (Star)

C Manchester United chuan nipui bazar inhawn hunah Benfica leh Portugal midfielder Joao Neves lak an tum a, kum 19 mi hi lak an duh zual zingah an telh. United hian Juventus tana khel mek France international Adrien Rabiot pawh lak an tum tel bawk. (Caught Offside)

C United hian Barcelona leh Senegal defender Mikayil Faye pawh an umzui reng a. Faye lak an tum mek hi Bayer Leverkusen leh Inter Milan ten an chuhpui ngei hmel thung. (Mail)

C West Ham chuan Arsenal leh Chelsea te nena sawi zawm Brentford leh England striker Ivan Toney lak tumin ruahmanna an siam. (Football Insider)

C Newcastle midfielder Bruno Guimaraes-a’n tum dang a nei tih hriat a nih vangin Liverpool, Manchester City leh Chelsea Brazilian playmaker hi lak theih beisena an nei sang leh zual. (Team Talk)

C Bayern Munich chuan Real Madrid nena sawi zawm Canada left-back Alphonso Davies chu kar tharah hi chuan a hma lam hun tur tichiang tawh turin an duh a. Real Madrid a zawm dawn nge, an hnenah contract thar a ziak zawk dawn tih hriat thuai an duh. (Sky Sports Germany)

C Tottenham chu nipui bazar inhawn tirh lamah £30m-£40m senga England midfielder Conor Gallagher dawr thuai turin an inhmakhua. Gallagher hian Chelsea-a contract a neih mek hi kum 2025-ah a hmang zo ang. (Football Insider)

C Genoa forward Albert Gudmundsson chu Tottenham in an bengkhawn a, Inter Milan pawhin kum 26 mi Iceland international hi an ngaihven ve bawk. (Football Transfers)

C Tottenham in ngaihven bawk mah se Gudmundsson hian Italy-ah cham chhunzawmin Inter Milan zawm a duh a. Juventus pawhin lak theihna hun tha an la nei ve tho bawk. (La Gazzetta dello Sport – in Italian)

C Kum 36 mi Julian Nagelsmann chuan Euro 2024 hnu lama Germany national team enkawl chhunzawm chu thil thleng thei lo tawp a nih lem loh thu a sawi a. Contract pawh sei chungchang pawh ruahman tan a ni. (Metro)

C Benfica enkawltu Rui Pedro Braz chu Dan Ashworth thlaka Newcastle United sporting director thar ni thei dinhmun duhawm takah a ding mek. (Times – subscription required)