Football titi

C Manchester United chuan England manager Gareth Southgate ni lovin, Brentford manager Thomas Frank zawk chu nipui bazar inhawn hunah an manager Erik ten Hag thlaktu atan Old Trafford-ah hruai luh an tum. (Football Transfers)

C Hetihlai hian report dang tarlan danin, Co-owner Sir Jim Ratcliffe leh Ineos te hian season tharah Ten Hag hi United enkawl zui turin an ruahman a. Mah se Ten Hag hi thlak an tum a nih chuan rang takin hma an sawn thuai theihna tur strategy an siam an tum. (inews)

C Tottenham chuan loan a an hawh mek RB Leipzig leh Germany forward Timo Werner chu a ngheta lak an duh a. Mah se, £14.5m senga lak ngheh theihna an neih tho vangin hmanhmawh vut vut an tum lo thung. (Four Four Two)

C Arsenal chuan Chelsea in Sporting Lisbon leh Ivory Coast defender Ousmane Diomande an lei ngamna zat £51m bakah bonus dawng dawng thei tura tawktarh an siam ang zat chiah an siam ve. (Record via Sun)

C Norway striker Erling Haaland chuan champions league quarter-final-ah Manchester City in Real Madrid an hmachhawn tur chu Spanish club lian tan lak tlak a nihzia pholanna hun remchangah hman a tum. (AS – in Spanish)

C West Ham chuan kum 28 mi Algeria winger Said Benrahma chu a nghetin Ligue 1 lamah a chhuah theih an beisei. (Football Insider)

C Bayer Leverkusen chu European club lian zinga Everton leh England Under-17 goalkeeper Douglas Lukjanciks lak tuma ngaihven zingah an tel. (Mail)

C Bayern Munich in an ngaihven vangin Brighton manager Roberto de Zerbi a hlim ru hle a. Mah se a hma lam hun turah thutlukna siam hmanhmawh thut thut erawh a tum lo. (Mirror)

C Chelsea-in club neitu hmasa Roman Abramovich-a thuneihna hnuaia sum hman dan dan bawhchhiaa thiam loh chantir an nih chuan point paihsak emaw, Premier League aṭanga hnawhchhuah emaw in hremna an tawk thei dawn.(Guardian)

C Liverpool chuan Manchester United in lak an tum Juventus leh Italy forward Federico Chiesa chuhpui an tum. (Teamtalk)

C Liverpool neitu Fenway Sports Group leh football chief Michael Edwards thar te chuan Ligue 1 club Toulouse lei an tum. (Football Insider)

C Manchester United chuan Fiorentina atanga loan a an hawh mek Morocco midfielder Sofyan Amrabat chu a ngheta la lo turin thutlukna an siam a. Kum 27 mi hi AC Milan chuan an la ngaihven viau reng thung. (Calciomercato – in Italian)

C Barcelona chuan Manchester City atanga an hawh mek Portugal full-back Joao Cancelo chu kum khat dang kawl chhunzawm leh an tum. (Marca – in Spanish)

C Everton chuan Arsenal rawlthar duhawm kum 18 mi Welsh forward Omari Benjamin lak tumin an ngaihven. (Football Insider)