Football titi

C English actress Dame Helen Mirren chuan Serie A club Lecce a tan thu a sawi. (Oggi via Football Italia)

C Manchester City leh England midfielder Kalvin Phillips, West Ham-ah loan a khel mek chu nipui bazar inhawn huna Fulham in lak an tum zingah a tel. (Football Transfers)

C A club hlui Leeds United in amanah £30m-£40m an seng thei dawn a nih chuan Phillips hian a chawrchhuahna club a zawm leh mai thei bawk. (Football Insider)

C Manchester City chuan an hnena khel tha tak Rodri chu kawlchhun zawmin, contract thar ziahpui leh an duh a. An club atang ngeiin football chawlhsan hial se an duh. (Mirror)

C Arsenal leh Chelsea te chuan Viktor Gyokeres an ngaihven a. Mah se, kum 25 mi Sweden striker manah hian Sporting Lisbon chuan 100m euros (£85.8m) aia tlem chu pawm an tum lo bur thung. (Pedro Sepulveda)

C Atletico Madrid chuan Fulham leh Brazil midfielder Andreas Pereira an ngaihven. (Sky Sports)

C An manager ban turin nawrna tam sawt viau mah se, Manchester United board chuan manager Erik ten Hag-a hma lam hun tichiang turin season tawp nghah thlen ngei an duh thung. (Times – subscription required)

C Manchester United hian an manager Erik ten Hag hmunruak luahtu atan Bologna coach Thiago Motta an duh. (Gazzetta dello Sport – in Italian)

C Chelsea leh Everton boss hlui Frank Lampard chuan rin lawk loh tak maiin Canada national team enkawl tura rinkai zinah a tel ve teh mial. (Telegraph – subscription required)

C Liverpool leh England right back Trent Alexander-Arnold te chu contract thar chungchangah an indawr. (Football Insider)

C Paris St-Germain chuan Kylian Mbappe-a nau Ethan Mbappe nen contract thar chungchanga an indawrna an titawp. Kum 17 mi contract neih mek hi June thla khian a tawp ang. (RMC Sport – in French)

C Sevilla chuan nipui bazar inhawn hunah Premier League club eng emawzatin lak tuma an ngaihven, an top scorer Youssef En-Nesyri hralh mai an tum. (Marca – in Spanish)

C Arsenal chuan Manchester United leh Bayern Munich ten lak tuma an ngaigven Barcelona B team defender Mikayil Faye an ngaihven thar ve leh. (Mail)

C Inrinni zanah Heidenheim lakah tlawm ringawt mah se Bayern Munich chuan an manager Thomas Tuchel chu Champions League quarter-final first leg-ah Arsenal an hmachhawn hma chuan ban tumna an nei rih lo. Tuchel hian February khan season tawp huna a ban tur thu a lo puang tawh a. Result tha an neih loh thin vangin ban an chak viau tawh thung. (Metro)

C Spain defender Sergio Ramos chuan Sevilla-a a contract chu June thla khian a hmang zo dawn a. Major League Soccer / Saudi Arabia pan tura sawi a nih vangin season tawp hma ngeiin a hma lam hun tur tihchian thuai a duh. (AS – in Spanish)

C Paris St-Germain chua nipui bazar inhawn hunah Napoli atanga Victor Osimhen lak nan a lakchhuah theihna zat £111.5m sen an huam. (Corriere dello Sport – in Italian)

C Chelsea chuan an tlarhma thuamchaktu tur striker thar an melh zui zel a. An hmuhtaih zual zingah Osimhen leh Ukraine international Artem Dovbyk te an tel. (GiveMeSport)

C Manchester United chuan an manager thar tura awh dang an neih lem loh vangin an manager rawih mek Erik ten Hag nen kum li dang thawk dun leh thei turin ruahmanna an siam. (i news)

C Manchester United hian Borussia Dortmund-ah loan-a an tirhchhuah mek Jadon Sancho manah £34m an phut. (Sky Sport – in German)

C Manchester City leh Troyes te chuan kum 19 mi Brazilian winger Savio chungchanga an indawrnnaah inremna an nei. (Football Insider)

C Liverpool in an manager thar atana an duh Portuguese manager Ruben Amorim chuan Sportling Lisbon-ah a cham chhunzawm ngei dawn tih a tiam thei ta lo niin report a awm. (ESPN)