Football titi

C Midfielder Leon Goretzka-a’n hmun chan phak tuma bei turin cham chhunzawm duh bawk mah se Bayern Munich chuan kum 29 mi Germany international hi hralh an duh. (Florian Plettenberg)

C Chelsea in Juventus atanga Italy forward Federico Chiesa lak a, kum 26 mi manah Raheem Sterling pek tel an tumna chu kum 29 mi Sterling-a’n a hlawh tam em vangin a hlawhchham. (Gianluca Di Marzio)

C Leicester City chu tun season chhung hian sum leh paia inkhuahkhirhna an bawhchhiat vangin tum hnih point paihsaka hrem theih dinhmunah an ding. (Sun)

C Crystal Palace chuan Newcastle in £65m bakah pek belh theih tura kum 24 mi England centre-back Marc Guehi an dawr a nih pawhin hnar ngei an tum. (Sky Sports)

C Newcastle hi Guehi lak an tumna atanga inhnukdawk turin an la inpeih lo naa midang lak tur an dap tel ve reng thung. (externalThe I, external)

C Guehi hi an la thei ngang lo a nih chuan Newcastle hian manager Eddie Howe-a’n a hmuhtaih kum 25 mi Chelsea defender Trevoh Chalobah lak an tum ang. (Talksport)

C Palace leh French centre-back Maxence Lacroix te chuan mimal inremna an nei thei tawh a. In la lut thei turin Palace hian Wolfsburg nen inremna neih leh zet an la mamawh. (Sky Germany – in German)

C Newcastle chuan Chelsea winger Noni Madueke chu £30million sengin an la thei dawn a. Kum 22 mi hi loan a hawh phawt an duh ve thung. (Football Insider)

C Chelsea chu Atletico Madrid nen England midfielder Conor Gallagher leh Portugal forward Joao Felix chungchangah an indawr nawn leh a, an harsatna an sukiang thei tep tawh. (Telegraph – subscription required)

C Arsenal leh Real Sociedad te kum 28 mi Spain midfielder Mikel Merino chungchanga an indawrna chuan a vawrtawp a thleng dawn hnai a, inremna an nei fel thei tep tawh. (Fabrizio Romano)

C Arsenal in lak tuma an dawr mek Merino hi Real Sociedad in season thara an hmachhawn hmasak ber tur Rayo Vallecano hmachhawn tur squad ah telh a ni lo. (Marca – in Spanish)

C Everton manager Sean Dyche chuan kum khat daih chauh contract nei tawh mah se contract thar chungchangah club nen indawr tumna an la nei lo. (Guardian)

C Kum 30 mi Manchester United leh Sweden defender Victor Lindelof chu Italian club Fiorentina in lak an tum. (Gianluca Di Marzio – in Italian)

C Rangers leh Celtic ten an ngaihven Tunisia midfielder Hannibal Mejbri chuan Manchester United in a ngheta chhuah an phalsak chauhin a chhuah tur thu a sawi. (Football Insider)

C Liverpool boss thar Arne Slot chuan training ground-ah training an neih hmain an player te nen breakfast ei ho ziah turin zawm ngei ngei tur dan thar a duang. (Times – subscription required)

C EPL club West Ham United in lak tumin ngaihven bawk mah se Roma striker Tammy Abraham chuan Saudi Pro League club hming tarlan loh zawm a tum. (La Repubblica – in Italian)

C Leeds chuan kum 27 mi Burnley leh Angola winger Manuel Benson lak tumin an ngaihven. (Football Insider), external

C Bayer Leverkusen boss Xabi Alonso chuan Germany defender Jonathan Tah chu Bayern Munich zawm tur angin sawi ni bawk mah se a ruahmannaah a la telh reng thu a sawi. (Sky Sports Germany)

C Brentford leh England forward Ivan Toney-a aiawhte chu Saudi Pro League club Al-Ahli nen an indawr a, Al-Ahli hian Toney lak ngei an tum. (Teamtalk)

C Manchester United chuan Toney hi lak tumin an ngaihven tawh lem lo. (Sky Germany)

C Manchester City chuan kum 2025-a contract hmang zo tur manager Pep Guardiola chu Christmas hmain contract thar a ziah dawn leh dawn loh tichiang hman turin an duh. (Sky Sports)

C Nottingham Forest, Villarreal, Sevilla leh Valencia te chu kum 31 mi Aston Villa leh Spanish defender Alex Moreno ngaihven zingah an tel. (Football Insider)

C Panathinaikos chu Manchester United nen kum 22 mi Uruguay midfielder Facundo Pellistri chungchangah an indawr. (Athletic – subscription required)

C Atletico Madrid chuan Chelsea atanga England midfielder Conor Gallagher an lak theih tak loh vangin kum 21 mi Valencia midfielder Javi Guerra lak tumin an hel. (Athletic – subscription required)