C Aston Villa leh Newcastle United te chuan kum 27 mi England leh AC Milan centre-back Fikayo Tomori an inchuh dawn. (Football Insider)
C Borussia Dortmund chuan England forward Marcus Rashford chu Manchester United atangin lak tum bawk mah se Rashford hian kar khatah £350,000 zet a hlawh vangin lak an tum tawh rih lo. A hlawh sang lutuk hi an indawrna titlawhtu lian tak a tling. (Mail)
C Arsenal leh Ukraine left-back Oleksandr Zinchenko chu thlasik bazar inhawng chhungin a chhuah ngei rin a ni a. Kum 28 mi hi German club lian Borussia Dortmund nen an indawr mek. (Telegraph)
C Dortmund hian Zinchenko an la thei lo thut a nih chuan Chelsea leh England left-back Ben Chilwell lak an tum thung ang. (Sun)
C Chelsea chuan Portugal midfielder Renato Veiga chu tun season chhung loan a Juventus zawm turin tawngkain an phalsak tawh. (Athletic)
C Arsenal leh Scotland left-back Kieran Tierney chu season tawp rualin a chhuak ngei dawn a. Free transfer-a Celtic zawm turin Scottish club lian nen hian pre-contract an ziak fel thei tep tawh. (Telegraph)
C Napoli in Argentina winger Alejandro Garnacho lak an tum tak loh vangin Chelsea chuan kum 20 mi hi Manchester United atangin lak an rilruk. (Sky Sports)
C Manchester City chuan Italy full-back Andrea Cambiaso lak tumin an ngaihven a. Juventus chuan kum 24 mi Cambiaso manah hian 65m euros (£54.8m) an phut thung. (Gazzetta dello Sport – in Italian)
C West Ham chuan RB Leipzig forwawrd Andre Silva chu tun season chhung atan hawh tumin an ngaihven a. Silva hi an la lut thei lo a nih chuan Ajax leh Netherlands striker Brian Brobbey lak an tum zui thung ang. (Florian Plettenberg)
C West Ham chuan English midfielder Dan Neil chu lak tumin an ngaihven a. Sunderland chuan kum 23 mi hi thlasik bazarah chuan chhuahtir an hreh viau thung. (Guardian)
C Aston Villa chuan Fenerbache lakah Brazilian defender Diego Carlos chhuah an phalsak hnuin Sevilla atangin French centre-back Loic Bade lak luh an duh. (Express and Star)
C Chelsea chu kum 22 mi Italian Cesare Casadei hralh turin an inhmakhua a. Hetihlai hian Hellas Verona leh Morocco midfielder Reda Belahyane lak an tum ve thung. (Gianluca di Marzio – in Italian)
C Republic of Ireland defender Andrew Omobamidele chuan Nottingham Forrest atangin French club Strasbourg a zawm fel thei tep tawh. (Athletic)
C Wolves chuan Millwall kum 22 mi English midfielder Luke Cundle lak tuma an dawrna hmasa an hnar a. Cundle hi Swansea leh Bristol City ten lak an duh ve bawk. (Express and Star)