Football emaw indo thlawhna siamchhuah kawngah emawte chuan France hi lo tluk lo deuh pawh ni se thilmak a ni lo mai thei a, mipa hockey-ah kher kher erawh world number three India tana France hneh zawh loh hi news lian a tling a, Cape Town khuaa Four-Nation Tourna-ment khelh mekah sili faia an hneh hlimhlawt France laka 2-2 draw an hlawhchhuak pha ta chauh hi inthlakna pindan lamah head coach tan zawhna a tam thei awm e!
Thawhtanni khan tournament bul an tannaah Asian Games champion Indian men’s hockey team hian 4-0 ngawtin France an sawp a, Nilaini khan an game hnihnaah India hian France bawk tum lehin, 2-2 draw bak an pel zo ta hauh lo a, Tokyo Olympics bronze medallist India tan a mawi lo!
Dan pangngai angin, Olympic-a vawiriat champion tawh India hian Mandeep Singh (8th minute) leh Amit Rohidas (19th)-te hmangin hma an hruai leh mai a, heti chinah hian thilmak inphum a awm hran lo a, a tur ve renga ngaihna a awm a, mahse, France beilet tan Timo-thee Clement leh B. Gaspard-te’n an si-phurh an rawn sut zo ta mai a, hun tawp thlengin goal thun belh kawngah India a talbuai tluan-chhuak ta a ni.
Chawlhkar khat awh tur tournament kal laiah hian India leh France bakah Nether-lands leh a thlengtu South Africa an tel a; vawiina an match thumnaah India hian South Africa tumin, naktuk, Pathianni hian world No. 1 Nether-lands an su zui leh ang.
France lakah India chak zo lo!
Get real time updates directly on you device, subscribe now.
Prev Post
Next Post