Frontier Highway atan Rs 5,621.62 crore

Union Minister Nitin Gadkari chuan Centre chuan Arunachal Pradesh a frontier highway siam nan Rs 6,621.62 crore a pek thu a sawi.
He sum hmang hian National Highway 913 (Frontier Highway) package pariat sial a ni dawn a, EPC mode hmangin intermediate lane a siam a ni ang tiin minister chuan a sawi a. Kawng sial thui lam tur hi 265.49 km a ni ang.
“Packages 1,3 leh 5 chuan Huri-Talitha section a huam ang a, package hnihna in Bile-Migging section, packahes 2 leh 4 ten Kharsang-Miao-Gandhigram-Vijaynagar sector te huam bawkin package 1 chuan Bomdila-Nafra-Lada section a thlurbing bik ang” tiin transport minister chuan a sawi.
Highway tihchang tlun chu border areas a connectivity tihchak nan leh State socio economic growth tihchak nan a tul a ni tiin minister chuan a sawi bawk.
Frontier highway tha zawka sial hian migration titawpin State ramri bul atanga pemna a tih tawp beisei a ni bawk, tiin minister chuan a sawi bawk a.
“Chu mai bakah heng kawngpui tha te hian river basin te chhun pawpin chu chuan State a hydropower project te a tihmasawn dawn bawk a ni” tiin Gadkari chuan a sawi bawk a.
He kawngpui sial tur hi a thar hlak ni dawnin Upper Arunachal a mihring chen tlemna khua te chu chhun pawh tirin chu chuan toursim a tihmasawn ang a ti bawk.
Chief Minister Pema Khandu chuan deveopment project thar kalpui tur chu lawmawm a tih thu sawiin border areas ah connectivity bung thar a chuankaipui dawn a ni a ti bawk.