Governor Ravi-a’n Kristiante dem

Tamil Nadu Governor R.N. Ravi chuan formal education pawh zo thei lo school pawh zo lo Robert Caldwell an “A Comparative Grammar of Dravidian or South-Indian Family of Languages” tih a ziah chu fake book a ni tiin a sawi.
Ravi hian Kanniyakumari district a social reformer Ayya Vaikundar piancham 192 lawmna neih kaihruaiin, British khan ‘Society for the Propagation of the Gospel (SPG)’ tih an nei a, chumi hmang chuan school dropout te te lakhawmin basic training pe in India ramah an tir thin a ni a ti bawk.
“Robert Caldwell leh G.U. Pope te ang kha India ramah thawn luh an ni a. Native school tin te hun reitak lo awm tawh te chu an khar nghal vek a ni. School hawng turin missionary te chauh phalna pek an ni a. Mirethei leh hnuaihnung zawk te chu an thlurbing nghal chat a, chumi behchhan chuan tamil Nadu chimlam district chu an thlurbing nghal a ni” tiin Governor Ravi chuan a sawi.
Ravi chuan East India Company hnathawh ber pakhat chu India ram hi Kristian chanchintha hrilh niin an sakhua thlaka Kristian a leh an tum a ni a ti bawk a.
“British sorkar in thuneihna a lak hnuah an colonial empire daihrei theih nan hma la nghalin Sanatan Dharma, scoeity phuarkhawm tu leh hausa leh huapzo em em chu tihchiat tumin an bei chat a ni. Chumai bakah policy hmangin institution soceity in a kalpui te chu an bei chat bawk” tiin a sawi bawk.
Governor chuan November 11, 1839 khan Gazulu Lakshminarasu Chetty hmalakna in mi 90,000 chuangin hming an ziah hnanna chu British te hnenah pe in chutah chuan dharma tichhe lo tur leh school luh nana baptisma chan tihmakmawh a siam lo turin an ngen a ni a ti bawk a.
“Sanatan Dharma thamral mai theia a din lai khan puithiam ropui Ayya Vaikundar (1833) leh Thiruvarutprakasa Vallalar (1824) te ang kha he ramah hian an lo lang hlawl a ni” tia sawi bawkin tun thlengin mi thenkhatte chuan Sanatan Dharma chu tihchhiat an la duh zel a ti bawk a.
“Chung mi te chu British te nena thawkho kha an ni a, August 15, 1947 kan Indpendence Day te chu sunin Balck Day ah an puang a ni. Sanata erawh engkim huapzo a ni a. Sakhaw dang te hi chu inthendarh lam vek a ni a, khawvel hian Sanatan Dharma a thlir a ni” tiin Ravi chuan a sawi bawk.