Hamas ten Israeli te pawngsual ngei

UN team te chuan Hamas tena 7 October 2023 a Israel an beih khan pawngsual leh pawngsual rawn an kalpui ngei nia a lan thu a sawi.
Chumai bakah Hamas tena mitang an hruai te chu mipat hmeichhiatna lama tharumthawh nana hman khum ni ngeia a lan thu a sawi bawk.
UN kaihhruai team te hi Pramila Patten, UN Special Representative on Sexual Violence in Conflict kaihhruai a ni a.
Hamas te thung chuan an ralthuam keng fighters te chuan Israel an beihnaah hmeichhia pakhatmah chungah mipat hmeichhiatna lam hawia chetlakna an nei lo an ti ve thung.
“Mission team te chuan conflict-related sexual violence chu 7 october attack ah khan hmun hrang hrangah a thleng ngei nia hriatna a nei a ni” tiin Un report chuan a sawi a.
Hmun pathum – Nova music festival site leh a chhehvel, Road 232 leh Kibbutz Re’im ah te a thleng tiin an sawi bawk a.
Hamas gunmen te chuan 7 October 2023 khan Israel chhim lamah lutin mi 1,200 chuang an pawng kahhlum tawp a, lung in tang tura hruai 253 an nei bawk a ni.
Israel chuan chhang letin Gaza a run zui ta a, hei vang hian nunna chan 30,500 chuang an awm tawh niin Hamas-run health ministry chuan a tarlang.
Hamas te chuan Israel an tunnah sexual violence an kalpui ngei tia puh an ni a, Hamas te hi Israel leh UK leh ram dang dang tena terrorist pwla an puan an ni bawk a.
UN report chuan ‘Hamas te chuan an mitang te lakah sexual violeng an kalpui ngei tih finfiahna kan nei a, mipat hmeichhiatna lama hremna te, nunrawng leh mihring lo taka mitang te laka an chetlakna finfiahna a awm a ni’ tiin a tarlang.
Chu mai bakah chutiang sexual violence kalpui chu tuna Hamas tena an la hren mek te lakah pawh an la kalpui mek renga hriatna an nei bawk. UN team te hian 29 January leh 14 February inkar chhung khan Israel an tlawh a ni.
UN pawhin thuchhuah a siamah Patten leh a thawhpui mithiam dang pakua te hmalakna chu investigative lam ni lovin puhna te chu a dik ngei em tih finfiahna neih hawi zawnga kalpui a ni a ti bawk a.
Israeli aiawh te nen meeting tum 33 neiin thlalak 5,000 chuang enfiah niin video footage darkar 50 lai awh enfiah a ni an ti bawk. UN team te chuan Hamas te victim te chu tawngchhuak tura an ngen chungin pakhatmah an interview thei lo an ti thung bawk a.
|henkhat erawh pawngsual leh sexual violence thleng anga sawi report te chu a dik lo an ti thung a, chung zingah chuan thehdarh lar nasat tak raipuar hmeichhia a dul zai thler sak tia sawi te chu a dik lo tiin UN official te chuan an sawi bawk.
UN report chuan Palestinians te Israel custody a dah te lakah pawh sexual violence a thleng tho tia sawiin chung zingah chuan hmeichhe taksa pawimawh lai khawih luihsak te leh saruaka hun rei tak awm tir luih te a tel an ti a. Mahse, Palestinian mitang te lakah pawngsual kalpui a ni ve lo a ti thung.
“Israel chuan Hamas tena sexual crime an kalpu ngei tih finfiah a ni hi lawmawm a ti a ni” tiin Lior Haiat, israeli foreign ministry thupaung tu chuan report tihchhuah a nih hnuah a sawi a.
Israel chuan UN Security Council koh nghal chuk chuka Hamas te chu terrorist organisation a puanga an laka international sanction kalpui a ngiat a ni a ti bawk.
Mahse, Haiat chuan UN team report a Palestinian mipa leh hmeichhia Israel in a kawl te laka sexual violence kalpui ve thoa puhna chu a hnawl thung.
Israeli Foreign Minister Israel Katz pawhin UN a Israel ambassador chu koh haw in UN report a Hamas te chetlak dan chu thup bo tumna a awm nia hriat a nih thu a sawi a.
UN Secretary General Antonio Guterres chu UN report behchhana Hamas te chu terrorist organisation a puan an nih theih nana Security Council thutkhawm ko duh lovah a puh bawk a.
Mahse hei hi chhangin UN thupuangtu Stephane Dujarric chuan Guterres chuan Patten leh a thawhpui te hnathawh chu a thlawp tlat a ti thung.
Hetihlai hian Gaza indona kal mek zelah United States of America chuan Israel sorkar chu Gaza a tanpuina tam zawk luhtir phal turin a ngen a.
Israel chuan Gaza a tanpuina leh chhawmdawlna lut thei tur chin te hi bithliah vekin Gaza luhna kawng awm chhun te a thunun tlat bawk si a ni.