Haryana-a Nuh bulhnaiah boruak tang ru reng

Haryana-a Hindu group te chu ‘hate speech’ sawi miah lo intiama inhmuhkawm phalsak an nih hnuah Palwal district-a police te awm lai ngeiin vauna an chhakchhuak tho.
Organiser te chuan speaker te chu hate speech sawi lo tura tih an ni an tichungin zawm a ni lo a. Speaker pakhat chuan, “Mi kawk a nih chuan in kut tang kan tan ang,” tiin a sawi a, hei bakah hian silai rifle te an ngiat bawk.
Kar hnih kalta khan Haryana-a Nuh ah communal violence thleng avangin mi parukin nunna an chan phah tawh a. Nuh-ah ngei hian inhmuhkhawm an ngiat chu remtihsak an nih loh avangin km 35 a hla Palwal-ah an inhmukhawm a.
Mahapanchayat an tih mai chu Palwal-Nuh border a Pondri village ah neih mek niin intiamkamna thahnem tak hnuaiah neih remtihsak an nih thu Lokendra Singh, Palwal Superintendent of Police chuan a sawi.
He inhmuhkhawmna hi Sarv Hindu Samaj te huaihawt niin Vishva Hindu Parishad (VHP) procession ‘Brajmandal Dharmik Yatra’ tih chu August 28 a neih dan tur rel a ni a. Mahapanchayat-ah hian Nuh a intihbuaina avanga man te chhuah zalen an ngiat bawk.
Hindu outfit Bajran Dal leh VHP tena Mahanpanchayat neih an dilna erawh police ten an remtihsak lova mahse tuna inhmuhkhawmnaah hian an member te an tel tho tia sawi a ni bawk a. Mahapanchayat hi ‘Hindus te confidence tihchak nana huaihawt’ tia sawi a ni bawk.
VHP division minister Devender Singh chuan August 28-ah yatara chu neihfel an tum thu sawiin pui taka zawhfel an tum tiin a sawi.
Hetih lai hian farmer union leh Khap panchayats te chuan cow vigilante Monu Manesar man an phutthu sawiin Manesar hi July 31-a procession neiha buaina chhuahna chhana puh niin Bajrang Dal leader niin kumin kumtir lama Muslim mi pahnih tihlumtu a puh a ni.