HBC 1-1 GAC

HBC 1-1 GAC
Mizo Zirlai Pawl (MZP) leh Mizoram Volleyball Association (MVA) te tangkawpin an buatsaih D3 Inter College Volleyball Tournament chu Inrinni zan khan khelh zawh a ni a. Mipa lamah Gov. Hrangbana College an champion a, hmeichhe lamah Govt. Aizawl College an champion ve bawk. HBC leh GAC ten champion trophy pakhat ve ve an la a, 1-1 a ni.
LPS Arena a mipa final hmuhnawm takah College pahnih Hrangbana College leh Aizawl College te an inhnehtawk viau a, deciding set khelh a ngai. Set khatna atangin an inhnehtawk nghal viau a, game inbuk tawk takah HBC in set an la hma sa.
Set khatna an hloh hnuin GAC an insiamtha a, point 5 a falin set hnihna an la. Set thumnaah HBC an chetha ve leh a, set lak belh lehin champion an hnaih. Set kinaah GAC an chungnung ve leh a, set hnih ve ve lain champion tur a la chiang lo. Deciding set, set pawimawh takah HBC an chungnung a, an elpui lian GAC lakah 25-23, 20-25, 25-15, 19-25, 15-10 a hnehna changin an champion zui ta a ni.
Final ah hian Govt. Aizawl College tana khel tha tak Zosangzuala chu Modernes Player of the Match ah thlan a ni.
Inelna neih zawh takah hian Aizawl College tana ball vaw tla thei tak Saidingpuia Sailo chu ‘Best Spiker’ ah thlan a ni a. Tha taka Saidingpuia Sailo ball vuak tur set sak thin.
Lalnuntluanga Ralte chu ‘Best Setter’ ah thlan niin Alex Hmingthanpuia, HBC chu ‘Best Receiver’ ah thlan a ni ve thung.