Hlawk zawkin bawng vulh tir tum
Hlawk zawka bawng an vulh theih dan ngaihtuahpuiin AH &Vety department Champhai District huaihawtin Nilaini khan Hnahlan leh Khuangphaha tual bawng vulhtute tan an hriat belh ngai inhrihhriatna chu Rashtriya Gokul Mission hnuaiah neih a ni.
Directorate of AH&Vety deputy director (Cattle and Mithun Development) Dr B Lallawmsanga’n bawng vulhtu kalkhawmte hi a zirtir a. He training-in a tum ber chu, Hnahlan leh Khuangphaha tual bawng vulhtuten an ran vulh atanga bawnghnute tam zawk leh bawng lian zawk an neih theihnan artificial insemination hmanga bawng vulh tihhmasawn a ni.
Training-ah hian ran vulhtuten Bharat Pashufhan portal kaltanga an ran an register zel a ngai a, ran hri venna pek a pawimawh zia, an ranvulhte natna laka an him theih nan vaccine pek that leh department-a thawkte tawiawm a pawimawh zia inzirtir a ni.
Nilaini vek hian hetiang inzirtirna hi Tualcheng leh Lungphulian khuaah District Vety Hospital Champhaia veterinary officer Dr PL Lalruatfela leh thawktu dangte FMD vaccine pe pahin an kal a ni.
Hlawk zawkin bawng vulh tir tum
Get real time updates directly on you device, subscribe now.