Hmeichhe tan unau zinga upa ber nih chuan thau a awl!

I nu fahrin hmasak ber i nih a, hmeichhia i nih bawk chuan i naute aia thau uchuak (obese) trheihna chance 40%-in i nei sang a, overweight theihna chance pawh 30%-in i nei sang bik.
Swedish mithiam ten hmeichhe 26,000-ah zirchianna neiin, chuta tanga an hmuh dan chuan nuin a fa hrin hmasa ber chu hmeichhia a nih chuan thauna chance a nei sang bik an hmuchhuak niin an sawi a, kan pian hmasak dan turah engmah tih theih kan nei lo a, mahse, he zirchianna hi fimkhur nana kan hman phah a, kan ei leh in lamah kan fimkhur baka exercise lak that nan kan hman phah theih chuan a hlawh hle dawn niin zirchiannaa an hotu pakhat Wayne Cutfield chuan a sawi.
Cutfield hi Liggins Institute, New Zealand-a pediatric endocrinology professor a ni a, a thawhpui te nan Swedish Birth Register behchhanin zirchianna hi an nei a, kum 1973 atanga tanin hmeichhe 26,000 te chungchang hi an chhui zui ta a ni. He birth register-ah hian Swedish hmeichhia te chanchin chipchiar takin a chuang a, nau an pai tan tirah doctor an hmuh hmasak ber te, an san zawng, rih zawng leh hriselna chanchin tlangpui, lifestyle factors leh chhungkaw chanchin te a chuang vek a ni.
Zirchianna neitu te chuan hmeichhe chhul hi a fa hmasa ber a pian hnuah a inthlak danglam niin an ngai a. Hmeichhiain a fa hmasa ber a pai hian a placenta zawmtu thisenzam chu a tê deuh a, Cutfield chuan, “Hei vang hian nu fahrin hmasa ber chu a matabolism leh fat regulation te a danglam ta deuh bik a ni,” a ti.
Mithiam dangin a hmaa zirchianna an lo neih tawhah pawhin nu fahrin hmasa ber chu mipa a nih chuan, an unau dang te aia thau zawk theihna chance an nei sang zawk a, chumai bakah BP sang leh insulin resistance neih theihna chance pawh an unau dangte aiin an nei sang zawk niin an sawi tawh bawk.
He zirchianna chungchang hi The Journal of Epidemiology & Community Health-ah tarlan a ni.