Hmun hnihah Meth kg.24 man

Thawhtanni khan Champhai district-a Zokhawtharah Mizoram Police chuan ruihna atana hman tura damdawi siam danglam Methamphetamine chu hmun hnihah an man a, a vaiin kg.24 a ni.
October 16 chawhnu dar 3.40 khan Zokhawthar Police Station team chuan Zokhawthar Immigration Check Post-ah Methamphetamine mum 70000, kg. 7-a rit chu truck MZ04 A 4629-a sarang dum pasarih chhunga sachet anga uluk taka pack an man a, a neitu nia sawi hi Thangtinkap (40) Leisenzo khua, Champhai district chu man niin, ND&PS Act hnuaiah thubuai ziahluh a ni.
October 16 vek khan Zokhawthar Police leh 42 Assam Rifles tangdun chuan Tiau luiah joint operation neiin, tlai 5.30 velah Methamphetamine mum 171700, kg. 17-a rit chu Laldinlian (34) Zokhawthar Taitesena Section inti hnen atangin an man a, a ni pawh ND&PS Act hnuaiah thubuai siamsak a ni.
Thu zawhfiahna atangin, heng ruihhlo hi Myanmar atanga lakluh a ni a. A kalzelna tur (forward linkages) hriat tuma thu zawhfiah zui mek an ni.