Hnamdang nei lo turin Mizo zirlaite ngen kual

Mizo Zirlai Pawl chuan Aizawla school thenkhatah kalin Mizo zirlaite chu hnamdang nupui/ pasala nei lo turin an ngen.
MZP Gen. Hqrs chuan kumtina a tih thin angin, “Hnamdang nupui/ pasal nei lo tura inzirtirna Ni” chu Thawhtanni hmangin Aizawla school hrang hrangah an insemdarh a. MZP hruaitute chuan, Mizote chu kan chhehvel hnamdangte nen khaikhin chuan hnam tlemte kan ni a. Kan hnam humhalh a ngai takzet, tiin, ‘Chimralna laka inhumhalh turin hnamdang nupui pasalah nei lo ang u,’ tiin an hrilh.
Mizoten chimral kan hlauh loh hun chu kan ral hun tur a ni tih pawh sawiin, Mizo hnam danin, Mizo hmeichhia hnamdang pasal nei chu an fate Mizo an nih theih loh dan leh tribal ni lo pasal an neih phei chuan an faten tribal-te hamthatna dawn tur ang an dawn ve theih loh thu an sawi bawk.
Hnamdang nupui/ pasal nei lo tura inzirtirna hi MZP hian kum 2015 atang khan kumtin September 2-ah a hmang thin a. Aizawl khawpui chhung bakah Mizoram hmun danga school hrang hrangah hun hman thin a ni.