IAF kuta airport hlan dan tur zirchiang tan

Working Committee on Lengpui Airport chu an chairman, adviser to chief minister (Finance and Planning) TBC Lalvenchhunga kaihhruaiin an thukhawm.Working Committee hmasain state sawrkar hnena Lengpui Airport enkawl zui zel dan tur chungchanga report a thehluh chu kumin October 16-a cabinet thukhawmin a thuphungin a pawm a. Cabinet thutlukna bawhzui zel tur hian state sawrkar chuan Working Committee a din thar leh a. Chu committee thar chu tunah hian an thukhawm a ni.
State sawrkarin ‘Terms of Reference’ a siamsak angin he Working Committee hian Indian Air Force (IAF) hnena Lengpui Airport hlan dan tur chungchang a zirchiang anga. IAF nen indawr zui zela draft memorandum of agreement thlenga ruahmanna mumal tak siam tura tih an ni. Thla thum chhunga report thehlut tura tih an ni.