Opposition party leader tena BJP an zawmna chhan chu an ideology an duh vang a ni lo, a chhan ber chu “ICE – Income Tax, CBI and ED” vang a ni tiin MP tum thum ni tawh Supriya Sule chuan a sawi.
Sule hi veteran politician Sharad Pawar fanu niin kumin Lok Sabha inthlanah kum 2009 atanga a bial ni tawh Baramati parliamentary constituency ah a ding leh dawn a. He constituency hi an family thiltihtheihna niin kum 1996 atanga 2009 inkar khan Sharad Pawar pawhin a lo vil tawh a ni.
Kumin inthlan erawh a danglam tawh dawn thung a. Tunah chuan NCP chu phel tawhin a phel leh lam Sharad Pawar an a ho laiin a lehlam chu a nephew Ajit Pawar an ho thungin BJP leh Shiv Sena te nen thawk dunin Maharashtra-ah sorkarna an chang mek a ni.
Kumin Lok Sabha inthlanah baramati ah Pawar vs Pawar inkhing tura ngaih a ni a. Ajit Pawar nupui leh environmental activist Sunetra Pawar chuan a sister-in-law Supriya chu a khing dawna sawi a ni.
AAP leader Arvind Kejriwal man a nih chungchang an zawhnaah Sule chuan, “Democracy tihhlum tuma beih mek a ni. BJP party zawm te hian an hmangaih vanga zawm an ni lo. An zawmna chhan chu “ICE – Income Tax, CBI and ED” an hlauh vang a ni a. BJP te chuan Ashok Chavan pawh an vau a, tunah chuan a zawm ta ngei reng a ni. Tihian party te tihphel zel an tum a. Hei hi politics a ni lo va, democracy thahna a ni” tiin a sawi.
Maharashtra Chief Minister hlui Chavan eirukna kalpuia puh avanga chief minister atanga bang hial chuan tun hnaiah Congress chhuahsanin BJP a zawm a ni.
ICE hlauh vangin BJP zawm : Sule
Get real time updates directly on you device, subscribe now.
Prev Post
Next Post