Iceland ramah emergency puang

Iceland chuan lirnghing thlen nawn fo vanga tlangkang awm theia a ngaih avangin emergency a puang.
Thuneitute chuan fimkhur thuah chim thlang lama Grindavik khuaa cheng mi sang tam tak te chu insaseng turin an ti.
Icelandic Meteorological Office (IMO) chuan Reykjanes peninsula bul lawkah tlangkang chhuah mai theihna a sang hle tiin an sawi a. Tlangkang awm theihna a sang zual zel an ti bawk.
Thuchhuah an siamah tlangkang chu ni rei lo te hnuah thleng mai thei a ni an ti bawk a. Tun hnaiah Fagradalsfjall bul hnaia lirnghing awm reng avang ni bera ngaih a ni a.
Lirnghing hi Reykjanes Peninsula huamchhungah a ni deuh ber a, helai hmun hi kum 800 zet tlangkang irhchhuah tawh lohna ni reng niin kum 2021 khan a irhchhuah leh a ni.
Inrinni kalta khan agency tena thuchhuah an siamah magma tunnel, molten rock te grindavik paltlanga hmarchhak lam 10km vel thlenga inkham ruah chu a khi chat nasa tawh an ti a.
Ningani kalta khan lirnghing awm zin em avangin a bul hnai lawka Blue Lagoon landmark pawh khar tawh niin October thla atang khan lirnghing 20,000 chuang record in a awm tawh a ni.
Iceland Civil Protection Agency te chuan IMO tena magma tunnel insiam mek te chuan Grindavik a thleng thei dawna an ngaih avanga mipui te hmun him lama inthiar chhuak tura ti an nih thu an sawi bawk.
Agency-te chuan mipuite chu khua chhuahsan tura ngenin mahse ’emergency’ a chhuahsan rum rum a ngai lo va, dam dapa chhuakin insaseng turin hun a awm an ti thung.
“Tun tut tutah chet nghal zung zung ngai a ni lo va, chhuahsan tura kan intih nachhan hi Grindavik mipuite himna tur ngaihtuah vang a ni,” tiin agency te chuan an sawi.
He khua mipui 4,000 chuang chenna luhna leh chhuahna tin te chu emergency a chhuahna atana siam tihte lo chu khar vek a ni tawh bawk.
Iceland hi khawvela tlangkang tamna ber pawl ram niin active volcano 30 vel lai nei reng ang a ni a.
Tlangkang hi magma, lung chang aia zang si te leilama a rawn invawrh chhohin a siam a ni a.
July thla khan Fagradalsfjall area a Litli-Hrutur, or Little Ram chu a lo kang tawh bawk a. He tlangkang hi kum za bi riat zel a ngawih reng hnuah kum 2021, 2022 leh 2023 khan a irhchhuak leh chauh a ni.