India champion-puitu Mizo tleirawl pahnih
December ni 7-15, 2025 chhunga Oman khawpui Muscat-a khelh zawh tak Women’s Junior Hockey Asia Cup 2024-ah Mizo tleirawl pahnih Lalrinpuii leh Lalthantluangi telna champion lai India chuan final-a an khingpui China hnehin an title kawl lai an humhim.
Pathianni zan final-ah hun pangngai chhungin team pahnih hi goal khat ve ve thunin an inhnehtawk a, penalty shootout hmanga chak zawk zawnnaah kum 2023 champion India hian he tournament-a tum thum champion tawh China lakah 4-2 hnehna changin trophy an la zawn ta a ni.
Mizo tleirawl pahnih Rinpuii leh Tluangi hian tournament chhungin an khel tha thei hle a; Hnahthial player Larinpuii phei hi chuan Thailand nena pool match an khelh tumin goal a khung nghe nghe a; Hnahthial District Hockey Association chuan thuchhuah siamin, an player Lalrinpuii an lawmpui thu leh an chhuan thu an tarlang.
Hockey India chuan champion squad-a player tinte hnena Rs. 2,00,000 theuh a pek tur thu a puang tawh a ni.
India champion-puitu Mizo tleirawl pahnih
Get real time updates directly on you device, subscribe now.
Prev Post
Next Post