October ni 5 atanga November ni 19, 2023 chhung awh tur Inter-national Cricket Council (ICC) Men’s Cricket World Cup thlengtu tur India inbuatsaihna kal mekah spinner Ravichan-dran Ashwin chu India final squad-a telh a ni.
World number one Test bowler Ashwin hian ram tan one-day interna-tional tum 115 a khelh tawh atanga wicket 155 la tling tawhin, provisional squad-a lang left-armer inhliam Axar Patel a thlak ta a ni. Axar hian Asia Cup khelh laiin a malpui a tina a, a inhliam hnuah a tel loin India chuan Sri Lanka hnehin Asia Cup an hlawh-chhuak ta tho a ni.
Kum 37 mi Ashwin bakah hnungzang na avanga kum khat dawn a chawlh hnua Australia series-a kirleh ta Jasprit Bumrah pawh India squad-ah a kirleh thei ta bawk.
October ni 8 khian a thlengtu India chuan Australia hmachhawnin World Cup bul an tan dawn a, kum 2011 hnu lama a vawikhatna ni turin India hian world title lak an tum dawn a ni.
2023 ICC Men’s Cricket World Cup-ah hian team 10 an chhuak dawn a, chu’ngte chu India bakah 2020-2023 ICC Cricket World Cup Super League-a an chetthat avanga direct qualification hmu ram pasarih – Afghanistan, Australia, England, Bangladesh, New Zea-land, Pakistan leh South Africa bakah team hnih dang chu Zimbabwe rama World Cup Quali-fiers khelh mek atanga tlang chho tur an ni.
Kumin World Cup match 48 hi khelmual 10-a khelh tur niin, tun hi India leilunga ODI cri-cket flagship tournament tumli nghah a nihna tur a nih rualin tournament thlengtu ni chunga 2011 World Cup trophy an lak hnua India-in a thlen leh vawikhatna tur a ni nghal.
One Day Interna-tional (ODI) cricket tournament match-te hi Chennai, Delhi, Ahme-dabad, Pune, Dharam-sala, Lucknow, Mumbai, Kolkata, Bengaluru leh Ahmedabad khawpuia khelh tur a ni.
Kumli dana khelh mi he ODI tournament lian hi tum 13 an khelhna tur niin, men’s national team-te inelna a ni a, ICC huaihawt a ni.
India World Cup squad
-- Advertisement --
Rohit Sharma (captain), Shubman Gill, Virat Kohli, Shreyas Iyer, Ishan Kishan (wk), KL Rahul (wk), Hardik Pandya (vice-capt), Suryakumar Yadav, Ravichandran Ashwin, Ravindra Jadeja, Shardul Thakur, Jasprit Bumrah, Mohammed Shami, Mohammed Siraj, Kuldeep Yadav.