India-in Bangladesh thawmhnaw leh ei tur phurh luh khap

India-in Bangladesh thawmhnaw leh ei tur phurh luh khap
Sorkar laipui chuan Inrinni khan khuahkhirhna tichhuakin Bangladesh-in thla hmasaa Indian siam thil an rama lak luh a khap hnuah thenawm ram atang hian thawmhnaw leh ei tur hrang hrangte lawngchawlhnaa phurh luh a khap.
Directorate General of Foreign Trade (DGFT)-in hriattirna a chhuahah hian Bangladeshi burngruate hi Nepal leh Bhutan-a kaltlang turte chauh India-a luh a phalsak a. Nhava Sheva leh Kolkata lawngchawlhna atang chauhva luh a phal thung.
Fruit flavoured & carbonated drink; ei tur (baked goods, snacks, chips & confectionary); cotton & cotton yarn waste; plastic & PVC finished goods, dye, plasticiser & granule leh thinga siam bungrua te chu Assam, Meghalaya, Tripura, Mizoram leh West Bengal-a Changrabandha leh Fulbari LCS kaltlanga lak luh a khap a ni.
Lawngchawlhnaa sangha, LPG, tel leh lung lak luh erawh khap a ni lo.
April 9 khan India hian Bangladesh-in Middle East, Europe bakah ram dang, Nepal leh Bhutan tih lohva thil a thawn chhuah turte India-a chawlhpui pawh a lo khap tawh a. Hei hi Bangladesh-a sorkar lailawk hruaitu, Muhammad Yunus-a’n China a tlawh tuma km 1,600 dawn a ri, India-a hmarchhak state pasarih, tuipuiin a hual ve loh avanga khawmual kaltlang lova engmah tlawh theih loh chungchang a sawi dan chhan nana a tih a ni.
Yunus-a thu sawi hian New Delhi a tilawm lo hle a. Politics hruaitu tam takin an sawisel.
Indian bungraw thawn chhuaktu, a bikin apparel sector-te chuan sorkar chu an thenawm ramten thil an thawn luh khap turin an lo nawr tawh.
India-Bangladesh inkar hi Yunus-a sorkarin an rama sakhaw zuitu tlem zawk, a bikin Hindu-te a hum theih loh avangin a chhe tan.
Bangladesh hi puanthana India-in a elpui pakhat a ni a. India-Bangladesh inkara sumdawnna che vel hi 2023-34 inkar khan $ tluklehdingawn 12.9 a tling.
India hian a hma chuan Bangladesh-in bungrua a thawn chhuah hi eng khuahkhirhna mah awm lovin LCS leh ICP leh lawngchawlhna kaltlangin tih aphal thin a. Thenawm ram hian hmarchhak state-a LCS leh ICP kaltlanga Indian thil thawn chhuahin an ram kaltlang a khap tak avangin India hian a ti let ve ta a ni.
April 13 atang khan India-in lawngchawlhnaa la a thawn chhuah chu an ram a luh dawnah endikna khauh tak a kalpui tan avangin a tawp.
“India-in Benapole ICP kaltlanga buhfai a thawn chhuah pawh April 15 atang khan khuahkhirh a ni,” tiin thuneitu pakhatin a sawi a, hei hian hmarchhaka thanna tur nasa takin a nghawng phah niin a sawi.
Bangladesh-in khuahkhirhna a kalpui avang hian hmarchhak state-te chuan Bangladesh-a an thil siam chhuah an hralh pawh a lo khuahkhirh tawh bawk.
Thenawm ram hi hmarchhak bazarah an inzuar thei thung a. An thil zawrhte erawh dik leh thanna tur thila a tangkai theih dan tur ngaihtuahin ennawn fo a ni.
Bangladesh hian India-ah kum tin $ maktaduai 700 man hu thawmhnaw a thawn chhuak ziah a ni.