India-in US hnen atangin ralthuam lei dawn

US State Department chuan India hnenah armed drone 31 leh missile bakah bungrua pawimawh thenkhatte $4 billion a hralh a remti.
MQ-9B Predator drone hi June 2023-a PM Narendra Modi-an US a tlawh khan inleisak remtih a ni tawh a ni.
December thla khan Senate committee chuan US leilungah Indian assasination plot investigation an neih avangin kalpui rih loh tur an ti leh phawt a. Mahse, tunah chuan US Congress-in inleitir a remti ta a ni.
India lei tur zingah hian MQ-9B Skyguardian drone 31, 170 AGM-114R Hellfire missiles leh 310 laser small diameter bomb, communication leh surveillance equipment leh precision glide bomb-te pawh a tel tiin Pentagon chuan a sawi a. He deal atan hian general Atomic Aeronautical Systems chu principal contractor a ni dawn a ni.
Reuters news agency chuan Senator Ben Cardin chuan inremna remtihna a pek duh lohna chu US sorkarin assasination plot full investigation a tiam avangin a remti ta tia a sawi thu a sawi.
“Biden administration chuan invetigation neiin United States-a assasination plot chu chhuichian an remti a, India pawhin engkimah rintlaka awm a intiam bawk a ni” tiin Cardin chuan a sawi.
Nikum khan US chuan Delhi chu Khalistan ngiattu American khua leh tui chu tihlumah a puh a ni. Khalistan tih hi India atanga Sikh ram piantir tumna a ni.
India foreign ministry pawhin thuchhuah siamin tualthahnaah inhnamhnawihna a nei lo ti bawkin, high-level inquiry committee dinin US sorkar ngaih pawimawhte chu a enfel nghal tiin a sawi bawk