India-out titute chhang let
Opposition leader tena Indian product boycott an ngiatna chu chhang letin opposition leader engzahin nge Indian sarees an nupuite tana leisak tiin Bangladesh Prime Minister Sheikh Hasina chuan a sawi.
Ruling Awami League meeting neihnaah Hasina chuan Bangladesh Nationalist Party (BNP) leader tena Indian product boycott an ngiatna chu chhang letin, “Ka zawhna chu an nupui ten Indian sarees engzah nge an neih? An nupuite sarees te chu laksakin hal sak phawt se la” tiin BNP leader chuan a sawi zui bawk.
Bangladesh Prime Minister hian kumin kumtir inthlanah chakna chang lehin a zawnin term li na a hmang mek a. BNP leader tena thuneihna an chan lai chuan minister te chu India ramah zinin an nupuite tan sarees leiin Bangladesh ah an hralh leh thin tiin a sawi bawk.
Sheikh Hasina chuan Indian spices te Bangladesh chokaa an pawimawhna sawi zui bawkin, “Garam masala, purun, sawhthing, purun var, heng spices te India ram atang lokal te hi BNP leader te chenna in ah hmuh turin a awm tur a ni lo” a ti zui bawk.
A hma lawkin BNP leader Ruhul Kabir Rizvi chuan a Kashmiri shawl chu Indian product te a duhlohzia lantir nan kawngpuiah a paih niin Daily Star chanchinbu chuan a tarlang a ni.
Tun hnaiah Bangladesh ah ‘India-Out’ campaign chu activists leh influencer thenkhat ten kalpuiin chu chu Opposition politician thenkhat ten an thlawp a. Tun hnai inthlan hnuhnung ber Opposition BNP tena an boycott a Awami League tena thuneihna an chan leh hnuah a nasa zual a ni.
Opposition te chuan India chuan Sheikh Hasina an thlawp avangin thuneihna a chan chhunzawm theihphah tiin an puh ve thung.
BNP leader RIzvi te ang chuan India-out campaign langsar taka an thlawp laiin party ang chuan engmah sawi a ni lo thung a. “Kan policy making body te chuan issue thenkhatte chu an ngaihtuah tawh a, hruaitu thenkhat ten chiang zawka hriatchian an duh a, tunah rih chuan official-in engmah sawi kan la nei lo. Mahse, kan hruaitu thenkhatte chuan India-out campaign chu an thlawp tih erawh a chiang a ni” tiin Sayrul Kabir Khan, BNP media cell member chuan a sawi.