TC Vanlalzuava documentary film siam ‘This Is Mizoram; A Traveler’s Paradise’ tih leh ‘ROMAWII’ te chu Indian Independent Film Festival 2025 atan official a thlanchhuah a ni a, ‘ROMAWII’ hi International ART Film Festival of India atan thlan chhuah a ni bawk.
TC Vanlalzauva hi tumhma deuh Mizo film min lo chhawpchhuah sak tawh thintu leh Mizo film industry-a mi hmasa pawl a ni a, National School of Drama, New Delhi a zir chhuak niin, chumi hma pawha audio drama, stage drama leh film lama Mizoram a hmelhriat hmasak pawl a ni bawk.
‘This Is Mizoram; A Traveler’s Paradise’ hi ‘Indian Cinema Competition Section- Documentary’-ah telh niin, August ni 23 a screen tur a ni a, ‘ROMAWII’ hi ‘Indian Cinema Competition Section- Short Film’-ah a tel ve thung ang.
Film lama a kutchhuak hrang hrang Lenmawii, Luahloh Lungdi, Nicky Cruz te pawh kan hmelhriat fur tawh ang a, film producer leh director a nih kawp piah lamah script writing thlengin a khawih thin a ni.
Indian Independent Film Festival 2025 leh International ART Film Festival-ah Mizo film
Prev Post