Taksa hrisel tak leh pian nalh tak kan neih theih nan ni tin a kan chaw ei tur kan thlan thiam hi a pawimawh hle a. Tun tumah hian thalai infiammi te leh zirlai naupang te tana chaw ei tur tha Remsangpuii (RSP Dietetics) ziah kan rawn tarlang leh dawn a ni.
Kan tukthuan ei hian nilenga kan hnathawhna leh kan thil tihna hrang hrangah nghawng a nei thui hle thin a, hrisel tak leh tha tho taka kan awm theih nan heng a hnuaia kan tarlante hi kan ei thin tur a ni:
1. Muesli, Corn Flakes, Oatmeal
2. Soymilk or Yogurt
3. Fresh Fruit
4.Oil-bearing nuts, Wallnuts, Almonds, Badam
INFIAMMITE TAN
1. Complex carbohydrates hrang hrang Flakes, Porridge, Bread, Pasta bakah hian Alu, Be, Bereuh, Bete leh Chana te hi infiammite tan a tha em em a, carbohydrates atanga kan hmuh te hian taksa chakna min pe thei a ni.
2. Wheat germ hi infiammite tan tuk tin fiante lian hnih tal ei a tha.
3. Kiwi, Serthlum, Kawlthei leh Litchi-ah te hian vitamin C a tam avangin stamina tan a that em avangin ni tin a ei a tha a ni.
4. Protein hi kan taksa rih zawng azirin sa leh thlai atanga kan hmuh te kan ei tam tur a ni.
ZIRLAITE TAN
Zirlaite hi thluak hmang nasa an nih avangin zing chaw tha taka ei hi an tan a tha zual hle a, heng a hnuaia kan tarlante hi zirlaite tan a hrosel zual hle bawk a ni.
1. Oats hian kan thluak tana nutrients pawimawh a supply nasa hle a, glucose, essential fatty acid bakah linoleic acid, phosphorus, Lecithin leh vitamin B te a neih that avangin thalai tan ei tam a tha hle.
2. Nutes, Badam leh Almonds ah te hian essential fatty acid, proteins, vitamins leh minerals pawimawh a awm avangin kan nervous system tan a tha hle a. Zirlaite rilru hah leh chau lutuk tur ven nan a tha hle a ni.
Infiammi leh zirlaite tan eitur tha
Get real time updates directly on you device, subscribe now.
Prev Post