Reserve Bank Governor Shaktikanta Das chuan India economic growth chuan than lam a pan zel tia sawiin inflation pawh hmalakna chak tak avangin thununin a awm mek zel tiin a sawi bawk.
Governor chuan RBI-in uluk takin a thlithlai reng ti bawkin monetary policy a kalpui te chu inflation tihnep a nih theih nan leh growth awm theih nana ruahmanna vek a ni, a ti bawk.
Sorkar chuan RBI chu inflation chu Consumer Price Index (CPI) ah 4% a awm a margin 2% vel tala awm tir tura hma la turin a lo ti tawh a.
“Indian economy chuan tun hnaiah hun harsa tak a paltlang tawh a ni. Policy tha tak avangin tunah chuan growth a awm mek a, inflation pawh thununin a awm tawh a ni,” tiin RBI governor chuan a sawi bawk.
India economic performance that chhan chu uluk leh fimkhur taka thlurbing bik nei leh moneytary target siama pandemic hnua hmalakna rah tiin a sawi bawk a.
Macroeconomi fundamentals leh sturctural reforms kalpuia thlurbingna chuan India economic growth a thlen a ni tiin a sawi bawk a.
Chu tak chu kum 2020-21 a nasa taka pandemic avanga a tawm tet hnuah GDP growth awm lehin kum 2021-22 ah chuan 9.1% a chhovin kum 2022-23 ah chuan 7.2% ah a chho a ni, a ti bawk a.
GDP chu kum 2023-24 first quarter ah 7.8% ah a chho tawh a, hei hian hmasawnna awmzia a pholang a ni tiin Das chuan a sawi bawk a. RBI chuan kum 2023-24 a real GDP growth chu 6.5% ni turin a dah a ni.
Inflation chungchangah Das chuan October thlaa Monetary Policy Committee (MPC) chuan CPI inflation chu kum 2023-24 ah 5.4% ni turin a dah tiin a sawi bawk a, chu chu kum 2022-23 a 6.7% ai chuan a hniam fe a ni.
CPI inflation chu September thla khan thla thum chhunga a hniam ber a tawng a, October thla inflation erawh November 13-ah tihchhuah chauh tur a ni thung.
Headline inflation bik chu food price shocks a awm avangin dinhmun tha lo tura ngaih a ni thung tiin Das chuan a sawi a, core inflation pawh January 2023 atang khan 170 basis points velin a tlahniam tawh a ti bawk a.
MPC chuan lending rate pawh thlak lovin 6.5 per cent turin a bituk leha December thla tir lamah inhmuhkhawmna an nei leh thung ang.
Das chuan India rama fintech revolution lamah Unified Payments Interface (UPI) chuan sulhnu turu tak a nei a ti bawk a. A hlawhlinna chu international model a ni tawh a ti bawk a. Mobile application hmanga bank account a inthawn zung zung theihna chuan mipui tena digital transaction an tih nasat phah tiin a sawi bawk.
“Tunah UPI te ram dang payment system nena chak zawka thlunzawm a nih theih nan hma kan la mek a. India leh Japan payment system thlunzawm tumin hmalak mek a ni bawk a, cross-border payment chak leh awlsam zawka tih kan tum a ni” tiin a sawi bawk.
Hetih lai hian Indian rupee chuan Ningani khan US dollar lakah a hluta 1 paisa in a san phah a. US dollar khat leh Indian rupee 83.29 inhen anga ngaih a ni.
Interbank foreign exchange-ah rupee chu dollar lakah 83.25 in hawn a ni a, khar a nih meuh chuan 83.29 ah a chho a, 1 paisa velin a san phah a ni. Nilaini khan American currency laka a hlutna chu 83.30 a ni thung.
Dollar laka rupee hlutna hi 83.80 leh 83.50 inkar velah a awm reng rih turah Praveen Singh – Associate VP, Fundamental Currencies and Commodities, Sharekhan, BNP Paribas chuan a ngai thung a ni.
Inflation thunun, growth-in chak lam pan ti
Get real time updates directly on you device, subscribe now.