Iran-in nuclear a buaipui danah tiamchin a pelah ngai

Iran-in nuclear a buaipui danah tiamchin a pelah ngai
Khawvel pum huapa nuclear thlithlaitua board of governors chuan Iran-in a sawngbawl danah tiamchin an pel ngei nia sawiin kum 20 chhunga an pelh hmasak ber a ni tih an sawi.
International Atomic Energy Agency (IAEA) hnuaia ram 35 aiawh telna board-ah hian ram 19-in Iran-in tiamchin an pel tiin an vote a. Vote lakna tur hian US, UK, France leh Germany ten thu an pu lut a ni.
Iran hian IAEA-in nuclear hmanrua leh a sawngbawlna a kalpui dana zawhna tam tak ‘a chhang fel fai thei lo’ niin an sawi a. Nuclear reactor fuel atana hman theih, ralthuam siam nan pawha hman theih bawk, uranium a kawl dan chuan rinhlelh a hlawh hle a ni.
Palaite chuan Vienna-a thutkhawmah hian Russia, China leh Burkina Faso ramten a khalh zawngin an vote a. Ram 11 aiawhte haiin ram hnihin vote an thlak lo tih an sawi.
Iran chuan he thutlukna hi demin ‘politics thil vang’ niin a sawi a urnium chhakna tur hmun a hawn belh dawn tih as awi.
IAEA hian kar hmasa khan Iran hian ‘a thawhpui tha duh lo’ tiin a lo sawi tawh a, uranium a tihthianghlim pawh 60% thlengin hei hi ralthuam atana siam theih thuak niin tihthianghlim belh leh hlek chuan nuclear bomb pakua siam theihna a ni.
Iran erawh chuan nuclear an kalpui dan chu a him a, ralthuam siamna atan emaw, siam tum nan emaw hman an tum lo tih a sawi.
Kum 2015-a ram liam parukte nen inremna an siamah Iran hian nuclear an sawngbawl chu tiamchin a nei tur a ni a, IAEA inspector-ten an endik thei bawk ang tih a ni a. A chhan let nan an ram an hrekna tihnepsak a ni ve thung ang.
US President Donald Trump-a chuan a hun hmasa, kum 2018 khan he inremna atang hian inhnukdawkin bomb siamna tur kawng a dal nep lutuk niin a sawi a, Iran a hrekna pawh a kalpui thar leh.
Kum 2019 atang khan Iran pawhin hemi chhan let nan hian khuahkhirhna a bawhpelh tam hret hret tan ve bawk.