ISL 2026 team bihchianna
ISL 2026 team bihchianna
Inrinnia tan tak 2026 season Indian Super League-a inlan team hrang hrangte bihchianna tawi kan han dah chhuak e.
Mohun Bagan
Super Giant
Coach: (thar) Sergio Lobera hian Super Cup campaign-a Bagan a hlawhchhampui hnua bang ta Jose Molinaa thlak.
Player en bik tur: Jamie Maclaren leh Jason Cummings.
Signing: Mehtab Singh an lalut thar a, Asish Rai bak chhawr tur an neih lohna right-back position-ah an changtlun phah deuh ang.
Prediction: Bagan hi ISL champion ni tura beisei an ni!
FC Goa
Coach: Manolo Marquez an la ruai chhunzawm dawn a; nikum December thlaa Super Cup lakpuitu hi Indian national team a enkawl laiin hlawhtling lo mah se Goa tan chuan ISL-a coach tha berte zinga mi hi a la fuh ber rih.
Player en bik tur: FC Goa tana foreigner chambang ahnih zinga pakhat zawk Dejan Drazic hi Goa-a Indian attacker-te season tluana kaihruaitu a ni leh ang.
Signing: Abdul Rabeeh hi Marquez nena lo inzui tawh a ni a, Goa right wing tana chaw tha a ni ang.
Prediction: Talent tam tak an chhawk then avangin an tan title beisei ngam a nih hmel loh!
Bengaluru FC
Coach: (thar) Renedy Singh. India international hlui Meitei coach an rawih hmain Gerard Zaragoza khan Super Cup-ah Bengaluru a hruai a, Greek Super League club Panserraikos lama a pemsan hnuah Zaragoza hnuaia lo thawk sil tawh Renedy chu full time hna an pe zui ta a ni.
Player en bik tur: Ryan Williams. ISL goal-scorer a ni tih hriat chian tawh Williams hi Sunil Chhetri leh Ashique Kuruniyan-te nen an thawkho dawn a, an en tlak fu ang!
Signing: Young player an lakluh zingah Lalremtluanga Fanai leh Vinith Venkatesh-te hian Bengaluru tan ISL an lo khel tawh a; striker Taorem Kelvin Singh pawh Super Cup-ah khan a chetha a; Bengaluru hian midfielder tuipui tham tling tura ngaih Soham Varshneya an senglut thar bawk.
Prediction: Goa ang bawkin an squad-ah talent kuh ve tul mah se title race-a ring rawlh pha tak tak tur chuan an la hualawm nep deuh!
NorthEast United FC
Coach: Season hnunung pahniha hmarchhak team tha thlakdanglamtu Juan Pedro Benali bawk kha an boss a ni leh.
Player en bik tur: Michel Zabaco. He captain hi he league-a centre-back tha berte zinga pakhat niin, a ke veilam hmanga ball player ropui niin, India rama season hnih lo khawsa tawh a nih avangin ISL hrechiangtu a ni.
Signing: N/A
Prediction: Title hnaih pha tura beisei ni lo mah se league table kawih then phawkah a sang lam chanve luah pha thut thei an ni.
Jamshedpur FC
Coach: (thar) Owen Coyle a lo kir a; kum 2020-a Chennaiyin a pan kumah league shield a lakpui nghal a; history a rawn siampui leh beisei ang!
Player en bik tur: Stephen Eze hi season liamta ISL-a best defender kha niin, Jamshedpur ngulpui leh an squad leader dik tak a ni.
Signing: Madih Talal hi he league-a creative midfielder langsar pawl a rawn nih chhoh beisei chhin phawt teh ang.
Prediction: Nikuma Chennaiyin a rem anga Coyle-a’n a team thar a cheibawl leh chuan Eze kawl engang mah se an tlarhnung pherh an tuar pherh erh thei!
Mumbai City FC
Coach: Petr Kratky
Player en bik tur: Lallianzuala Chhangte goal thun thei, siamchhuak thei, leadership nei tha a ni a, Mumbai City hi thuk tyakin Mizo tlangvalah an innghat leh dawn niin a lang.
Signing: Jorge Pereyra Diaz an lei a, goal a keng tel nghal!
Prediction: Goa leh Bengaluru-te huanga rinluh chi an ni a, title challenge zo tak tak turin an chak tawk lo!
Odisha FC
Coach: (thar) TG Purushothaman. Blasters assistant coach hlui hi Odisha FC head coach thar a rawn ni chho ta a ni.
Player en bik tur: Amrinder Singh. He veteran goalkeeper hi tun season-a Odisha player pawimawh a ni thei.
Signing: N/A
Prediction: Odisha hi league mawngphah luah thei an ni!
Kerala Blasters
Coach: (thar) David Catala.
Player en bik tur: Vibin Mohanan hi a la naupang a, Adrian Luna awm loh hnuah Blasters team innghahna ban pui ni thei tura beisei a ni.
Signing: Rowllin Borges. ISL winner pawh lo ni tawh hi he team-a Indian player-te kaihruaitu pawimawh ni tura beisei a ni.
Prediction: Table chanve hnuai lama tal pawl turah ngai ang!
East Bengal
Coach: Oscar Bruzon. Thla reilote liamta maia Super Cup final luhpuitu kha niin, he Spaniard hian ISL season hnuhnungberah beisei pha lo mah se an petchhuak lo a, a chunga rinna nghat chhunzawmtute lakah bat a nei ve ang. Season laklawh laia Carles Cuadrat thlaktu kha a ni.
Player en bik tur: Naorem Mahesh Singh. Indian zinga creative player tha ber tih ngam hial a ni a, season liamta tan chhoh lai bawr vel khan hliam avangin chawlhkar hnih vel a chawl a, season tharah hian khawng zawka a kir beisei ang.
Signing: Mohammed Rashid. Super Cup-ah a chhiat lohzia pholang tawhin, ISL lamah pawh chhe thar thut thei a ni lo!
Prediction: David Lalhlansanga leh a pawlte hi chetha zek thei an ni a, paper lamah pawh Mohun Bagan nena title inchuh ngial thei tura tarlan an ni mek.
Punjab FC
Coach: Panagiotis Dilmperis. Season liamtaa an awih tawh coach hoin season iamta khan Punjab hian season bul tan fuh viau bawk mah se season second half atangin an tlahniam ta daih a; nikum November thlate kha chuan Bengaluru aiin Super Cup-ah an rawn sang leh zawk lawi si!
Player en bik tur: Nikhil Prabhu hi tunah chuan Indian national team regular a rawn ni pha chho ta hial mai.
Signing: Ball theh thui (long throw) kawnga hming chher tawh Muhammad Uvais.
Prediction: Team hneh awlsam lo tak an ni khut thei a, table chung lam erawh luah pha tura beisei an ni lutuk lo.
Chennaiyin FC
Coach: (thar) Clifford Miranda hi India international hlui niin, Chennaiyin chuan head coach atan an ring tawk ta phawt a, Super Cup-ah erawh kha chuan an lawm lo!
Player en bik tur: Alberto Noguera hi season liamta ISL final an luh theihna kawngah pawh khan Bengaluru innghahna player pawimawh niin, Chennaiyin lamin he midfield dawithiam hi an kawl ve ta a ni.
Signing: Noguera hi ISL quality leh class nei tawh a ni a, Chennaiyin pawh hian a hrulah thil ropui an beisei gam hmel.
Prediction: Kolkata palian pahnih Mohun Bagan leh East Bengal hnuaia thu tura beisei an ni.
Delhi FC
Coach: (thar) Tomasz Tchorz hian season liamta kha Hyderabad FC-ah hun a hmang a, Delhi hun thar chuankaipui zo tak ang maw?
Player en bik tur: Mohammed Aimen leh a phirpui Azhar-te hi Kerala Blasters atanga Delhi vak thleng niin, Blasters-ah khan Tchorz hi an youth coach a lo ni tawh a, speed leh left wing lama hming chher tawh Aimen hian a hriat chian coach hnuaiah ISL-a Indian mit la ber nih theihna chance tha tak a nei mek.
Signing: Aimen.
Prediction: “An naupang rual kawikhawmte nena champion beisei chu khirh deuh hmel a, chutih lain Delhi hian chu ngaihdan chu an phet thla thut thei bawk!
Mohammedan SC
Coach: Mehrajuddin Wadoo.
Player en bik tur: Amarjit Singh Kiyam hian kum riat kalta daih tawh khan he team U17 squad a lo delh tawh a; kha tih laia a teamemate engngemawzat kha he team-ah hian an la inhamtang hlawm a, chu’ngho nen chuan an inkawp fuh phian thei a, nawrtu a neih that chuan khi ta awm thei tur a ni.
Signing: N/A
Prediction: Odisha-te nen tlak pumpelh tura phe dawr dawr thei tura ngaih an ni!
Inter Kashi
Coach: Antonio Lopez Habas. ISL-a a season khatna leka he club hlawhtlinpuitu a ni.
Player en bik tur: Nauris Petkevičius. He Lithuanian striker hi India leilung tan mi thar ni mah se ISL kawtkaiah hian goal-scoring striker tha takte chu an hlawhtling nghal thei tih hriat chian a ni tawh a, Kashi tan an squad belhchhahtu duhawm a nih ngei beisei pui phawt ang!
Signing: Lluis Tarres hi tun season ISL-a foreign goalkeeper kan hmuh awmchhun niin, 2023-24 season-a Punjab tana kutkawr bun Kiran Limbu hnu lama ISL-in ram dang goal-veng a hrawn leh vawi khatna a ni nghal.
Prediction: Mid-table vela tawp tura beisei an ni.