IT ministry-in Moody’ report khaklet

Electronics and IT Ministry te chuan Moody’s Investor Service tena Aadhaar tha tawk lo nia an sawi chu la na hle in, chhanna an siamah tun thlengin unique ID system database putru leh kalsual a la awm lo tia sawiin, a security leh privacy chu a tha tawk em em a ni tiin a tarlang bawk.
Ministry-in chhanna a siam “Aadhaar, the most trusted digital ID in the world — Moody’s Investors Service opinions baseless” tihah chuan international agencies tam tak IMF leh World Bank te ang bawkin Aadhaar chu an fak thu sawiin ram tam tak pawhin an fak takzeta an rama kalpui a nih ve theih nan Unique Identification Authority of India (UIDAI) te nen pawha inbiakrawnna an nei mek reng a ni a ti a. Chu mai bakah Indian billion chuangte chuan Aadhaar-ah rinna an nghat a, tum 100 billion chuang hmanin a awm tawh an ti bawk.
Kar kalta Inrinni khan global rating agency-te chuan Aadhaar biometric authentication system chu ‘hot and humid condition’ ah rintlak tawk lo tia sawiin a dik lo fo an ti bawk a. Chu mai bakah agency-te chuan a seucrity leh privacy-ah ngaihthat lohna an neih thu sawiin centralised system turu tak chu hmansual theih tiin an sawi a ni.
“Investor service thenkhat ten khawvela digital ID rintlak ber an rintawk lohna finfiahna nei hauh si lovin an sawi a ni” tiin Electronics and IT Ministry in an chhanletnaah ziahlan a ni a. “Tun hnai kum sawm chhungin Indian billion chuangte chuan anmahni ngei a ni tih chian nan Aadhaar chu tum 100 billion chuang an hmang tawh a. Chutiang khawpa an rinna nghahna chu a tha lo tih theih a ni lo” tiin a tarlang bawk.
“He report hian an tanna tifiah turin primary emaw secondary data engmah pek an nei lo bawk a. Investor service-te hian Authority te lakah engmah hriatfiah tumna an nei lo bawk” tiin Ministry chuan a tarlang bawk.
Tun hnai lawka G-20 New Delhi Delcaration chuan India-in Global Digital Public Infrastructure Repository (GDPIR), virtual DPI repository siam a tum chu G-20 member-te pawhin tha an ti hle a ni, tiin a tarlang bawk.
He report hian India climate lum leh hnawng uap churhah a taka kalpui theih loh fo a tih hi Mahatma Gandhi National Rural Employment Guarantee Scheme [MGNREGS] a hnathawh a sawina niah kan ngai a, ti bawkin, report hian a hriatchian loh chu MGNREGS database a Aadhaar seeding chu worker-te biometrics hmang kher lova tih a ni a, worker-te hnena payment tih pawh an account-ah he scheme hmang thun mai zawk a ni a, hei vang hian biometrics hman a ngai lo, tiin a tarlang bawk.
Moody’s report-in biometric submission chu contactless-in face authentication leh iris authentication in a tihtheih reng a tih chungchangah pawh Electronics and IT Ministry chuan a tul dana zirin mobile OTP (One-Time Passcode) pawh kalpui a ni zawk tiin a sawi bawk.
Aadhaar security leh privacy chungchanga thil felhlel awm thei anga lang chu Minstry chuan Parliament zawhnaah pawh chhan a ni tawh zawk a ti bawk.
“Parliament zawk chuan Aadhaar system-ah dan tha zawk privacy protection tha tak a kalpui zawk a, state-of the-art security solution nena thuam a ni zawk” tiin Ministry sawifiahna chuan a tarlang bawk.