IWRD thawktu indaih lohna tih ziaawm tum

Irrigation & Water Resources (IWR) minister PC Vanlalruata chuan an department chu sawrkar flagship programme-a hma la tu zingah an tel avangin thawktu indaih lohna chu tih ziaawm tum a ni tih a sawi.
I&WR Department official-te chu an minister hoin Zirtawpni khan an thukhawm a. Sawrkarin policy leh framework a duante sawiin, kuthnathawktute hmasawn nana theihtawp chhuah turin a chah. Department hnuaia thawktu indaihlohna a ziaawm theih nan hma lak mek a ni tih a sawi a. Sum indaih lo hle mah se, buh leh thlai chawmna tur tuilakna tha siam chu sawrkar flagship programme pakhat a nih avangin mamawh zualpui hnawh khah a nih theih nan bawhzui a nih tur thu a sawi a ni.
Inhmuhkhawmah hian department hnuaia division hrang hrangin an chetdan an report a. IWR department kaltlanga hmun hrang hranga PMKSY, NABARD RIDF leh scheme pawimawh hnuaia hma lak mek leh hmachhawp sawi ho a ni.