Japan ramah nau piang tlem lutuk

A tum khat nan Japan ramah mi 10 zela pakhat aia tam mah chu kum 80 chuanga upa an ni ta.
National data chuan Japan mipui maktaduai 125 ah 29.1% lawih te chu kum 65 chunglam tiin a tarlang bawk a.
Japan hi khawvela nau piang tlem berna ram zingah telin kum upa te enkawlna lamah pawh harsatna nasa tak tawk mek a ni.
Khawvela kum upa tamna ber niin kum upa tih hian kum 65 chin chunglam te chhiar a ni thin tiin United Nations chuan a sawi.
Japan dawttu pahnihna leh pathumna hauhtu Italy leh Finland ah chuan 24.5% leh 23.6% a ni thung a. Japan-ah chuan kum 65 chunglam chu population atanga chhutin kum 2040 ah chuan 34.8% lawih an ni tawh dawn tiin National Institure of Population and Social Security Research te chuan an sawi.
Kum upa hnathawk pawh major economy zingah chuan a san berna niin hnathawk kum 65 chin chunglam pawh national work force atanga chhutin 13% lawih a nei bawk.
Social security lama sum sen ngai a tam hle a, fiscal year thar turah Japan chuan record budget siamin hei hi social security cost sang lutuk vang a ni bawk.
Nau piang tihpun tuma hmalakna chuan rah tha a chhuah lutuk lo va, a chhan bera ngaih chu cost of loving sang lutuk leh working hour rei lutuk vang tia sawi a ni.
Nau piang hrim hrim chu ram hrang hrangah Japan thenawm ramah te pawh a tlem tho va, mahse, Japan-ah bik chuan manganthlak khawp a ni thung.
Nikum khan nau piang 800,000 chauh neiin kum zabi 19 atanga record awm china kumkhata nau piang a neih tlem ber kum a ni a, kum 1970 chhovah kha chuan kum khatah nau piang maktaduai hnih chuangte a nei a ni.
Prime Minister Fumio Kishida chuan an ram chu nau piang tlem zel avangin society anga awm thei lo tep an nih tawh thu kumin January thla khan a sawi hial a ni.
Asia ram dangte pawhin nau piang tlem hi an tawk vek a. Nikum khan China population chu a tum khat nan 1961 hnua a tlakhniam ber tawngin South Korea-ah pawh nau piang tlem ber kum a ni bawk.