Justin Bieber-a khawsaziain fans ngaih ti tha lo

Justin Bieber-a khawsaziain fans ngaih ti tha lo
Coachella festival-a Justin Bieber-a khawsa zia chuan fans ngaih a titha lo a, a taksa hriselna leh a nunphung thlenga enkawl ngai, ruihhlo lama tlan nasa, puitu mamawh ni a ngai an tam nghal tlat.
Coachella-ah hian sawmbik te tan chauha buatsaih private party ‘Friday Nights in the Desert’ an tih a Biber-a khawsa zia video-a viral a awm a, video pakhatah chuan Bieber hian zial a zu a, a zial zuk hi a lan danah tip ni ngei an awm. Hei bakah hian party-naa a hla, 2015 a a tihchhuah tawh ‘What Do You Mean?’ an play laiin Bieber hi kawr ha loin, ruih hmel zeta a thle deuh nghawng nghawng lai a lang bawk a. A taksa lang chin atangin a cher hmel hle mai bawk si a. Hengte hian fans ngaih a ti tha lo ta riau a ni.
Bieber khawsazia hian tunhnaiah fans ngaih a titha lo zeuh zeuh tawh a, February thla mai pawh khan a nupui Hailey Bieber-i Rhode beauty pop-up event, Los Angeles-ah ruih hmel zetin a khawsa tawh bawk a, ruihhlo a ti a ni ang ti a sawisep a awm nghal a, mahse, a thupuangtu lam chuan hetiang lam thil chu thulengvak mai mai niin an sawi ve thung.
A thupuangtu lamah thulengvak mai maiah an puh deuh ngial thin mah se Bieber hian harsatna eng emaw tak a nei ni a ngaihna a lian lehzual ta a ni.