KALPHUNG THAR MIPUI SORKAR A \ha tur a ni

F.Lalremsiama Chaltlang

Ni chiah !
A tha tur a ni. Chuvang chuan alawm MIPUIIN Vote hmanga ZPM Sorkar an thlan. An thutiamte pawh a tha reng alawm. Kan ram mipui ten MLA 27 lawih kan bel chhan pawh hriain BUL an tan tha hle a; Assembly Session hmasa bera Governor thusawi an sawihonaah leh a hnu budget session-ah pawh opposition leader tih chauh lo chuan a tha a tha an ti sap sap vek a ni lawm ni kha?
Hun rei vak lo an han liam ta a le, opposition hoten an ROLE an harh chhuahpui ta ni awm takin, oppose, expose and depose hawiin an nghal chho ta hle. Engtin tak ni zel ang maw?
Inrenchem tum tak tak angin an che meuh lo; a tan tirha an tih that vei nen khan le aw! MLA tin a thlawna motor pek tih tawp chauh te, sorkar hnathawk Aikal tih tawp te, sorkar hnathawk hlawh a huna pek tak mai te pawh hi MNF sorkar liam ta lakah chuan nep lo tak a sin!
Chief Minister pawh hi a hma lama CM te ai chuan beisei san phah tlak a ni. A ti terh terh a, LDA (LDC) atangin, IPS (Regular Recruit), Police officer-ah erawh Senior Grade luah rei hman lova bangin, rei lo te hnuah Congress (MPCC) President nih leh Lok Sabha MP a ni ta luau mai a, LAL TAK A NI. Mizorama Remna atan leh thil dang vangin a dai pelh ta hlauh va. Politik thlalerah Israel fate ang maiin kum 40 zet a vak kual a, Party thar ZPM, uluk leh duhtui tak a din leh a mipuite chuan “Hei ZET CHU” tiin Pu Duha ho chuan sorkar thar tha an din ta.
Hetih lai tak hian, aw, hetih lai tak mai hian ka sawi duh ber (tun tum atan) kan sawi ang e. CM leh minister zawng zawngte hi, Sapa tal lovin, an lei veng tha theuh rawh se. Kil tin, sir tin atangin miten an thlir thuap che u a nia. CM Adviser te hlei hlei hi an tho â palh ang e. Thutlukna tha si, Siam rang thei bawk si hi Rorel thiam an ti. Lengpui Airport Air Force kutah pe teh lul suh ang che u.
Ka hriatchian, Assam rama Second oil Refinery Movement so san ber laia Tezpur dai, SALONIBARI Air Force Station-a DC. Arunadhoy Battacharya Camera Station Commander-in a pawhthlak sak lai hmutu kha ka nia!!
Ka hmuh leh ka hriat ka sawi a nih hi. Ka thu ziak te hi keima mimal rilru leh ngaihdan a ni. A mawh Keiman Ka phur e. Tumah do nan a ni lo. Zoram Ka hmangaih vang ve lek a nia.
Mizo Dawrkai/Sumdawng Pawl MIMA hotupa thuziak ang khan Lengpui Airport hi intodelh chunglam daih, sum lakluhna hnar thaah siam tum zawk sela. Pu Duha leh a HOTE Mizo zawng zawng hian kan la chhuang zawk dawn asin maw le???