Zirtawpni khan Dampa West Block Congress Special Joint Meet leh mi thar lawmluhna New West Phaileng Dinthar Bazar-a neihah Congress party president Lalsawta’n thu a sawi a, kan retheihna hmanga min lei tumtute i hnawl ngam ang u, a ti.
“Mizoram mipui lei theih kan ni hi a pawi a ni. Lei theih i ni lo ang u. Kohhran mite, Mizoram hmangaihtute hi mihring lei theih kan ni hi an rilru a na a ni. Vawiinah hian lei theih a min ngai tute hi Mizoram mipuite hian kan mamawh lo a ni. Thluaka sum lut, sum siamna ringawt ngaihtuahtute hi tun inthlanah hian i hnawl ngam ang u.” a ti.
Regional Party MNF te, ZPM te hi Central lama zawmpui nei lo an nih avangin BJP tana thawhpui remchang an ni reng tiin a sawi a, MNF leh BJP an thawkho ang tho hian ZPM pawh hian BJP hi an thawhpui leh a ring tih a sawi.
Get real time updates directly on you device, subscribe now.
Prev Post