Kar khata artui pathum eiin cancer risk tisang

Artui chu a tui, siam a awlsam, a hmin hma bawk si, mahse, mithiam ten zirchianna an neih tharah kar khata artui pum thum emaw a aia tam emaw ei hian cancer risk a tisang niin an sawi tlat mai a, mipa tan chikawng (prostate) cancer vanga thih theihna risk a tisang an tih tlat chu!
Harvard School of Public Health, Boston-a mithiam ten zirchianna hi neiin, kum 14 chhunga mipa 27,000 te ei leh in te an zir a, chuta tanga an hmuhchhuah chu- mipa, kar khatah artui pum 2 leh a chanve aia tam ei thin te chuan a ei ve ngai lo leh, chutiang aia tlem ei thin te aiin prostate cancer vanga thih theihna risk hi 81% zetin a sang zawk niin an sawi.
Zirchianna neitu te chuan artui ei vanga prostate cancer risk a sanna chhan hi artui-a cholesterol or choline tam lutuk vang niin an ngai a. Cholesterol chu nutrient kan cell te hna thawk tha tura puitu a ni a, artui-ah a tam hle a ni.
Zirchianna neitu te chuan sa ei tam leh tam lohin cancer neih leh neih a hril lem lo niin an sawi ve thung a, mahse, artui ei nasa te zingah cancer vanga thi an tam niin an sawi tlat mai.
He zirchianna chungchang hi London chhuak chanchinbu Daily Mail-ah tihchhuah a ni.