Karsevak te kaptu leh Ram temple sa tute duhthlan mai tur : Amit Shah

Union Home Minister Amit Shah chuan opposition te chu Ram temple issue chingfel duh ngai lovah a puh a, kumin inthlan chu ‘karsevak te silaia kaptu leh Ram temple dintute tunge kan thlan zawk dawn tih a ni mai’ tiin a sawi. Shah hian Uttar Pradesh a BJP candidate a campaign pui mek a ni.
Opposition party hotute chu Ram temple dinthar lehna inkhawma an tel duh loh avanga sawiselin Shah chuan, “Consecration ceremony a kal duh lote kha, karsevaks te silaia kaptute kha an ni” a ti. Group pahnih duhthlan tur a awm, tiin, “Ram bhakts laka rinawmte silaia kaptute nge Ram temple satute” tiin a sawi.
“Congress, Rahul ‘baba’ leh Akhilesh Yadav (Samajwadi party) hian kum 70 chuang Ram temple issue an chingfel duh lo, a ti a. Prime minister-a Modi term hnihna atana inthlan veleh ‘Jai Shri Ram’ tiin January 22 ah consecration ceremony neih a ni” tiin a sawi bawk.
Home Minister chuan opposition te chuan backward community te an hlamchhiah a ti .Congress hruaitu Rahul Gandhi pawh beiin Amit Shah chuan, “Rahul Gandhi an BJP in seat 400 an lak pelh chuan reservation an nuaibo ang a ti a. Ka sawi duh chu, term hnih sorkar tawh Narendra Modi hian reservation a thlawp” tiin a sawi.
“BJP ten SCs (Scheduled Castes), STs (Scheduled Tribes) leh OBCs (Other Backward Classes) reservation an nuaibo lovang a, tuma nuaibo a phal dawn lo tih hi Modi guarantee a ni”a ti bawk.