Katy-i’n zaithiam berah Ariana thlang

Katy-i’n zaithiam berah Ariana thlang
American Idol season 22 finale red carpet-ah Idol judge Katy Perry chuan tun Idol winner Abi Carter aw chuan The Voice coach thin, Ariana Grande a hriatchhuah tir thu sawiin, “A aw hi a danglam pop music-ah hian hetiang hi ka hre tawh, ka ti kha a nia, khami tum khan Ariana Grande chungchang ka sawi a ni, The Ellen Show-a a kal tumin. Khai a, he nau hi chu keiniho rual khat zinga zaithiam ber a nih hi,’ ka ti a. Ka sawi liam ve puat ringawt lo aw,” a ti.
Katy Perry sawi takah chuan kumin American Idol hi judge panel a a tel tawpna tur a ni a, Luke Bryan leh Lionel Richie te nen 2018 atang khan American Idol judging panel-ah an lo thu tawh a, tunah chuan Katy pawhin album siam lam a tintuah ve leh ta a, “Ka album thar tur ka pai mek a ni,” tiin, 2020-a a album ‘Smile’ chhunzawmna tihchhuah a tum hnai tawh niin a sawi.
American Idol-ah hian Katy Perry hmun ruak luah turin tunge an lak dawn an la puang lo a, Katy Perry chuan Jelly Roll a khan viaua a hriat thu sawiin, “Jelly Roll kha kan show-a a rawn tel tum khan a pui khawp mai a. A thil sawi apiang khan min hneh em em zel. President pawh chuh thei, kan pastor pawh ni thei tur chi niin ka hria, atan cuan biak in te paw ka thleng leh duh hial ang. Engpawh sawi se min hneh zel. Tuna a awm tawhsa mi bon pahnih bakah Jelly han tel leh phei se chuan a pui khawp ang. I love you, Jelly!” a ti
Amaherawh chu, amah Jelly Roll ber hian American Idol lam hian an sawm lem lo niin a sawi a, American Idol judge a tel a duh leh duh loh chungchang an zawh chuan, “Duh tehreng e! Ingnaihtuah ngai loin ka pawm sa mahse, min sawm tlat lo,” a ti.