Kawlbun tir lo turin rawtna thlen

“Economic offences avanga man te chu sualna dang pawngsual leh tualthah te nena ngaihkhata ngaih tur a ni lo va an kut kawl bun tir tur a ni lo,” tiin Parliamentary Committee chuan a rawt.
Parliamentary Standing Committee on Home Affairs, BJP MP Brijlal kaihhruai chuan an anih atanga ni 15 hnua police custody a awm chungchangah Bharatiya Nagarik Suraksha Sanhita (BNSS) chu thlak danglam ni se an ti bawk a.
Bharatiya Nagarik Suraksha Sanhita (BNSS-2023) Bill hi Lok Sabha-ah August 11 khan Bharatiya Nyaya Sanhita (BNS-2023) leh Bharatiya Sakshya Adhiniyam (BSA-2023) Bill te nen pharhin a lo awm tawh a ni.
Heng dan pathum te hi Code of Criminal Procedure Act, 1898, Indian Penal Code, 1860, leh Indian Evidence Act, 1872 te thlakna tura ruahman a ni a.
Parliamentary panel chuan kutkawl bun tir chu Clause 43(3) of the BNSS in a tarlan angin misual tak te an tlanbo thut hlauhawmte laka hman tur chauh a ni, a ti bawk a.
Committee chuan ‘ecobnomic offences’ chu huam tel tir ni lo se a ti bawk a. A chhan chu ‘economic offences’ tih chuan thil hote anga lang atanga turu tak te a huam tel vek a, chuvang chuan a zavaia hrutrual vek chu a chi loh an ti bawk a ni.
“Committee chuan Clause 43(3) chu siam danglam ni se clause atangin economic offences tih chu paih ni se” tiin panel te chuan an sawi bawk a.
Tuna Code of Criminal Procedure (CrPC) hman mek ang chuan police te chuan misual an rinhlelh chu ni 15 chhung chauh an kawl thei a. Hei avng hian commission chuan Clause 482 of the BNSS chu siam danglam ni se ‘thil tisuala puh chu ni sawm panga hnuah pawh police custody a la dah theih a ni’ tih belh ni se an ti bawk.