Kawlphetha leina man cheng tluklehdingawn ba tling

Mizoram sorkar hian hmun hrang hrang a\angin kawlphetha a lei \hin a, chung a leinaa a bat zat chu cheng tluklehdingawn a tling.
Nilaini khan power minister R Lalzirliana’n power leinaa sum bat zat hi House a hrilh a, Rs 1,07,85,52,437.00 a ni tih a sawi.
Aizawl South II bialtu C Lalsawivunga zawhna, ziaka chhan chi chhangin power minister hian power leinaa sum bat zat hi a sawi a, hmun sarihah sum hi bat a ni.
Mizoram sorkarin sum a bat hnem berna chu NEEPCO a ni a, Rs 40,89,18,091.00 a ba. NTPC-ah Rs 28,72,18,128.00 a ba a, OTPC-ah Rs 20,28,82,054.00, TPGL-ah Rs 15,93,34,381.00, NHPC-ah Rs 82,17,845.00, Sunfree-ah Rs 91,13,220.00, ATA-ah Rs 28,68,718.00 a ba. Sunfree leh ATA hi Vankal Solar atana bat ve ve a ni. Heng hi generation company a\anga kawlpheta man batte a ni a, August ni 14 thlenga mi a ni.
Transmission company a\anga leina man ba a awm bawk a, PGCIL-ah Rs 16,16,06,302.00 bat a ni. Sum bat zawng zawng hi Rs 1,24,01,58,739.00 a ni.
Minister sawi danin, power & electricity department-in supplier bill Rs 23,22,36,743 a ba bawk.