Kawng zauh tura ram neite tan an duhdan sawi hun siam

Vairengte-Sairang inkara 4-Lane kawngpui laihna tura Package-7 chungchanga ram neitu complaint neite chu Thawhtanni khan Kolasib-ah kokhawmin, an sawi duh sawina hun hawnsak an ni.
Competent Authority for Land Acquisition (CALA), additional DC Melody Ngurthantluangi’n kaihruaiin, kawng zauhin a tihchhiat tur ram neitu leh village council aiawhte an tel.
Package-7 3A notification hi 2023 December 22 khan chanchinbu ah tihchhuah a ni tawh a. Sawi duh neite tana sawisel leh an duhdan sawi theihna hun hawn a zo tawh.
Package-7 (Kawnpui- Mualkhang inkar) ah ram buai complaint nei mi pathum an awm a. Heng complaint hi CALA hian a tul anga bawhzui nghal a nih tur thu a sawi.