Kawngpui tha neih theihnanintelkhawma hma lak an tum

Kawngpui tha neih theihnan
intelkhawma hma lak an tum
Pawl pali intelkhawm chuan Mizoram-in kawngpui tha a neih theihna turin hma lak an tum tih an sawi.
Pawl pali – Centre for Environment and Social Justice, Mizoram First, Citizen Alliance for Truth and Social Justice leh Mizoram Transformation Movement thuchhuak chuan kum 38 state nih hnuah pawh Mizoram-in kawngpui tha a la nei thei lo chu manganthlak an ti a, kawng tha neih theihna tura hma la a, thawk ho zel turin Joint Civil Society of Mizoram (JCM) an din tih a sawi.
Hmalakna hmasa atan National Highway 306 &06 (Vairengte to Sairang) chu Mizoram nunna hnar, kan mamawh chawk luhna a nih avangin, furpui hmaa siamthat a nih theihna turin a mawhphurtute nawr zel an tum a. A bikin Kawnpui leh Khamrang inkar (Package 7&8) alingment thar siam tura rawtnaah sawrkar laipui Ministry of Road Transport & Highway hnenah alignment hlui zawk chu a thatna a tam zawka an hriat avangin rawtna thlen an tum tih an sawi.
NH 44A (Aizawl to Tripura), Tuidam leh Darlak inkar chhe lutuk leh chetsual hlauhawm tak chu siamthat thuai a nih theihnan thuneitute hnenah thlen kan tum a. He kawng hi a hmunah en an tum tih an sawi bawk.
‘Kawngpui hian kan ni tin nun leh mi tin nun a nghawng avangin Mizoram kawngpui – national highway, state highway leh a dangte a theih anga siam that zel a nih kan duh a. Khaw tin inkalpawhna kawng pawh tha taka siam vek turin hma la theitu state sawrkar, NHIDCL, state PWD bakah company/contractor theihtawp chhuah turin kan ngen a ni,’ a ti.